Shymkentte saǵat 12.49-da poıyzdardyń qozǵalysy qalpyna keltirildi. Bul týraly QR TJM resmı ókili Talǵat Ýálı habarlady.
Eske sala keteıik, 24 qazan kúni túnde 14 vagon joldan shyǵyp, aýdarylyp ketken bolatyn, saldarynan 7 jolaýshylar poıyzynyń qozǵalysy keshiktirildi, atap aıtqanda:
1. Shymkent stansııasynda Aqtóbe - Almaty №34 jolaýshylar poıyzy 9 saǵatqa, Qyzylorda-Petropavl №76 poıyzy 7 saǵatqa keshikti.
2. Qorǵasyn stansııasynda Qyzylorda-Kókshetaý № 56 jolaýshylar poıyzy 5 saǵatqa keshikti.
3. Qyzylsaı stansııasynda Almaty-Aqtóbe №23 jolaýshylar poıyzy 8 saǵatqa keshikti.
4. Mankent-2 stansııasynda Almaty - Shymkent №11 jolaýshylar poıyzy 5 saǵatqa, Nur-Sultan-Saryaǵash №85 poıyzy 1,5 saǵatqa keshikti.
5. Sastóbe stansııasynda Almaty-Aqtóbe № 33 jolaýshylar poıyzy 1 saǵatqa keshikti.
Qozǵalysy keshiktirilgen poıyzdarda 1 393jolaýshy bolǵan. Sonymen qatar, jergilikti atqarýshy organdar Shymkent qalasyna jolaýshylardy tasymaldaý úshin 5 shaǵyn avtobýs pen 2 avtobýs uıymdastyrdy.