"Qazgıdromet" RMK aýa raıynyń buzylýyna baılanysty elimizdiń birqatar óńirinde eskertý jarııalady, dep habarlaıdy Egemen.kz.
Sınoptıkterdiń málimetine sáıkes, Nur-Sultan qalasynda qalyń tuman, qatty kóktaıǵaq, nóser jaýyn, 21 m/s ekpindegi jel boljanady.
Pavlodar oblysynda ońtústik-batystan jel soǵyp, kúshi túnde keı jerlerde 15-20 m/s, kúndiz 25 m/s jetetini kútiledi.
Mańǵystaý oblysynyń keı jerlerin tuman basady. Qyzylorda oblysynda ońtústik-shyǵystan jel soǵady. Keı jerlerde onyń kúshi túnde 15-20 m/s, kúndiz 23-28 m/s artýy yqtımal.
Atyraý oblysynyń keı jerlerinde soltústik-batystan soqqan jeldiń jyldamdyǵy 15-20 m/s kúsheıedi.
Batys Qazaqstan oblysynyń keı jerlerinde tuman boljanady. Soltústik-batystan soǵatyn jeldiń kúshi keı jerlerde 15-20 m/s artady.
Aqmola oblysynda jaýyn-shashyn (kúndiz kóbinese jańbyr túrinde) jaýady. Keı jerlerde tuman, kóktaıǵaq kútiledi. Ońtústik-batystan jel soǵady, kúshi túnde keı jerlerde 15-20 m/s, kúndiz ekpini 23-28 m/s jetedi.
Soltústik Qazaqstan oblysynda jaýyn-shashyn (kóbinese jańbyr) bolady. Keı jerlerinde tuman, kóktaıǵaq kútiledi. Ońtústikten jel soǵyp, ekpini 25 m/s kúsheıedi.
Qostanaı oblysynyń keı jerlerinde tuman, kóktaıǵaq boljanady. Ońtústik-batystan jel soǵyp, kúshi 15-20 m/s artady.
26 qazanda kúndiz jáne 27 qazanda táýlik boıy Jambyl oblysynda ońtústik-batystan, batystan jel soǵady, kúshi 15-20 m/s artady. 27 qazanda ekpini 23-28 m/s kúsheıýi múmkin.