Mal azyǵy daıyn ba?

Bıyl qysta Batys Qazaqstan oblysynda 809,1 myń bas mal qystaqqa kirgeli otyr eken. Iаǵnı 492 myń sıyr, 116 myń qoı-eshki, 198 myń bas jylqy men 2,2 myń bas túıege 1 mln 616 myń tonna shóp, 180 myń tonnadaı jem qajet.

– Aýdandardan alynǵan máli­metke qaraǵanda 16 qazanda 3 901 myń gektar shabyndyq shaby­lyp, 1 136,4 myń tona shóp ázir­lendi. Bul – jospardyń 70,3 pa­ıyzy. О́tken jyldan qalǵan shóp­ti qossaq, barlyǵy 1 632,6 myń tonna shóp qolda bar. Iаǵnı jal­py qajettilik artyǵymen qam­tylǵan. Ásirese iri-iri aýyl sha­rýashylyǵy qurylymdary qa­jetti mólsherden artyq, 103,1% shóp jınap aldy. Jeke qo­sal­qy sha­rýashylyqtarda 595,9 myń ton­na (97,5%-y) shóp daıarlan­dy. Jaǵ­daıdy tolyq baqylap otyrmyz, – deıdi Muhtar Naýryz­baı­uly.

Qazirgi tańda oblystyń Qaz­talov (94,5%), Jańaqala (96%), Aqjaıyq (97%) aýdanda­rynda josparly kólem tolyq daıyn­dalmaǵan. Bul aýdandardyń óz jerinde shóp shyǵymdylyǵy tó­men bolǵandyqtan Báıterek, Tas­qala, Syrym, Shyńǵyrlaý, Qara­tóbe aýdandarynan shóp satyp alyp jatyr. Sondaı-aq bul aýdan­dardyń shabyndyǵy men paı­dalanylmaı jatqan jer­leri­nen mal azyǵyn daıyndaý úshin kelisim jasalyp, shilde aıynda jumys bastalǵan eken.

– Ol shópti tasymaldaý ju­mysy da shilde aıynan beri júr­gizilýde. Qaztalov aýdanyna 12,9 myń tonna, Aqjaıyq aýdanyna 11,5 myń tonna, Jańaqala ­aýdanyna 6,3 myń tonna, barlyǵy 30,7 myń tonna nemese 102 myń býma shóp tasymaldandy. Bul baǵyttaǵy jumystar áli de jal­ǵa­sýda, – deıdi oblys ákiminiń birin­shi orynbasary.

Aýdandarda 1 túk shóptiń ba­ǵasy 1 900–8 myń teńge araly­ǵynda. Oblys boıynsha ortasha baǵa – 5 314 teńge.

Sonymen qatar Báıterek, Te­rekti jáne Shyńǵyrlaý aýdan­da­rynda satylatyn jem-shóp týraly málimet jańartylyp, ony qajetsingen aýdandarǵa joldanyp otyr.

Sońǵy málimetterge qaraǵanda oblysta 76,2 myń tonna mal azyq­tyq jem daıyndalǵan. Bul – jos­pardyń 79%-y. Qalǵan 20,3 myń tonna jemdi Reseıdiń shekaralas oblystarynan satyp alý josparlanyp otyr.