Keshe Qazaqstan Prezıdenti janyndaǵy Ortalyq kommýnıkasııalar qyzmetinde resmı ókil Altaı Ábıbýllaevtyń qatysýymen aptalyq brıfıng ótip, onda birqatar mańyzdy sharalar jaıy baıandaldy.
Keshe Qazaqstan Prezıdenti janyndaǵy Ortalyq kommýnıkasııalar qyzmetinde resmı ókil Altaı Ábıbýllaevtyń qatysýymen aptalyq brıfıng ótip, onda birqatar mańyzdy sharalar jaıy baıandaldy.
Brıfıngti ashqan resmı ókil 20 qarasha kúni Astanada Qazaqstan sýdıalarynyń VI sezi bolatynyn, oǵan sot organdarynan 700-den astam delegat pen 20-dan astam sheteldik delegasııa qatysatynyn jetkizdi. «Qazaqstan Prezıdenti baspasóz qyzmetiniń habarlaýynsha, sezd jumysyna Memleket basshysy Nursultan Nazarbaev qatysyp, «Qazaqstan-2050» Strategııasyn júzege asyrý sheńberinde sot júıesin odan ári damytý máseleleri jáne V sezde alǵa qoıylǵan mindetterdiń oryndalýy boıynsha sóz sóıleıdi», dedi A. Ábıbýllaev.
Sonymen qatar, ol 20 qarashada Serik Ahmetovtiń qatysýymen Sankt-Peterbýrg qalasynda TMD elderi Úkimet basshylarynyń keńesi ótetinin, otyrysta saýda-ekonomıkalyq jáne mádenı-gýmanıtarlyq, energetıka jáne qarjy salasyndaǵy yntymaqtastyqty damytý máseleleri talqylanyp, birqatar birlesken qujattarǵa qol qoıylatynyn atap kórsetti. «TMD elderi Úkimet basshylarynyń keńesi alańynda Premer-Mınıstr Serik Ahmetov birqatar ekijaqty kezdesýler ótkizedi, sondaı-aq Reseı Úkimetiniń tóraǵasy Dmıtrıı Medvedevpen kelissóz júrgizedi. Al 22 qarashada Qazaqstan Premer-Mınıstriniń «Sarapshy-200-Qazaqstan» forýmynyń jumysyna qatysýy kózdelýde», dedi A.Ábıbýllaev.
Buǵan qosa, resmı ókil 19-20 qarasha kúnderi Premer-Mınıstrdiń orynbasary Erbol Orynbaevtyń jetekshiligimen «Bıznestiń jol kartasy-2020» baǵdarlamasyn iske asyrý boıynsha aýyldyq okrýg ákimderine arnalǵan respýblıkalyq semınar-keńes ótetinin jetkizdi. «Al 21-22 qarasha kúnderi Astanada «Qazaqstannyń ónerkásiptik saıasaty» halyqaralyq ǵylymı-tájirıbelik konferensııasy ótedi. Konferensııa aıasynda elimizdiń ónerkásiptik saıasatyn damytýdyń negizgi máseleleri, Birtutas ekonomıkalyq keńistik aıasyndaǵy ónerkásiptik baılanystar men Qazaqstandaǵy ónerkásiptik saıasatty jetildirý sharalaryn talqylaý josparlanýda», dedi resmı ókil bul oraıda.
Sonymen qatar, resmı ókil 22 qarasha kúni Tótenshe jaǵdaılar mınıstri Vladımır Bojkonyń, mınıstrlik qyzmetkerleri men Astanadaǵy basqa da memlekettik organdardyń ókilderiniń qatysýymen «Qys – 2013» respýblıkalyq komandalyq-shtabtyq jattyǵýy ótetinine, 21-22 qarasha kúnderi Atyraýda Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevtiń, memlekettik organdardyń, ulttyq kompanııalar men holdıng ókilderiniń qatysýymen ATYRAU INVEST-2013 halyqaralyq bıznes-forýmy uıymdastyrylatynyna toqtaldy.
Resmı ókil elimizdiń syrtqy saıasat vedomstvosy basshysy Erlan Ydyrysovtyń qatysýymen ótetin sharalarǵa da toqtalyp ótti.
Láıla EDILQYZY,
«Egemen Qazaqstan».