Ázerbaıjanda koronavırýs ınfeksııasyn juqtyrýdyń 946 jaǵdaıy anyqtaldy, dep habarlaıdy Egemen.kz.
Budan bólek, taǵy 228 adam emdelip shyqsa, aýrý juqtyrǵan 7 pasıent kóz jumdy. Qazirgi ýaqytta Ázerbaıjanda 49 959 adam koronavırýsqa shaldyqqan, olardyń 671-i qaıtys bolǵan. 41 279 adam saýyǵyp shyqqan. 8 009 pasıent em qabyldaýda.
Pandemııa bastalǵaly respýblıkada COVID-19 vırýsynyń bar-joǵyn anyqtaıtyn 1 291 534 test (sońǵy táýlikte – 10 037) júrgizilgen. Sondaı-aq koronavırýs juqtyrýshylar sanynyń artýyn eskere otyryp, Baký qalasynyń bıligi 24 jáne 25 qazan kúnderi el astanasy men qala mańyndaǵy 554 kóshe men dańǵylda dezınfeksııa jumystaryn júrgizdi.
Dezınfeksııa jumystary aldaǵy ýaqytta Baký turǵyndarynyń qaýipsizdigi men densaýlyǵyn qamtamasyz etý sharalary aıasynda jalǵasady dep josparlanýda.