18 qarasha kúni Eýro odaqtyń syrtqy ister mınıstrleri keńesi Belgııa astanasy Brıýsselde «Ýkraına máselesin» qarastyrdy. Bul týraly Izvestia.ru habarlady.
Eýropalyqtar Vılnıýsta ótetin «Shyǵys áriptestigi» sammıtine deıin Eýro odaqpen assosıasııa jónindegi kelisimge qol qoıý úshin Kıevtiń qajetti sharttardy oryndap úlgeretinine kóz jetkizbek. Ol sharttardyń bastysy – eks-premer Iýlııa Tımoshenko máselesiniń sheshilýi. Budan buryn olar Kıevke Eýro odaqtyń assosıasııaǵa qol qoıý ýaqytyn uzartý úshin sammıt kún tártibine sońǵy ret túzetýler engizetinin eskertken bolatyn. Alaıda, syrtqy ister mınıstrleriniń keńesi eks-premer máselesiniń sheshilmeýine baılanysty Ýkraınadaǵy eýroıntegrasııa prosesin toqtaýǵa bata qoımady. Degenmen, olar bul áreketke kez-kelgen ýaqytta bara alatynyn málimdedi.
О́tken aptada Ýkraına Joǵarǵy radasynyń depýtattary kezekten tys plenarlyq otyrys ótkizgenimen, eýroıntegrasııalyq zań jobalaryn sol kúıi qabyldaı almady.
Aıdar О́risbaev.