Strategııalyq josparlaý jáne reformalar agenttiginiń Ulttyq statıstıka bıýrosynyń derekterine sáıkes, turǵyn úı qurylysy boıynsha aǵymdaǵy jyldyń 9 aıynyń qorytyndysy boıynsha 9,6 mln. m2 turǵyn úı paıdalanýǵa berildi, bul 2019 jylǵy uqsas kezeńge qaraǵanda 109%-dy quraıdy.
Jalpy "Nurly jer" baǵdarlamasy aıasynda Qazaqstan boıynsha barlyǵy 85 418 turǵyn úı paıdalanýǵa berildi, onyń ishinde – 30 760 jeke úı, 54 658 páter.
Baspana qurylysy salasyna ınvestısııa kólemi aldyńǵy jylmen salystyrǵanda 25,2% ósip, 1 256 mlrd. qurady.
О́tken jylmen salystyrǵanda turǵyn úıdi iske qosý kóleminiń ósýi 14 óńirde baıqalady: ol Jambyl (109,5%), Soltústik Qazaqstan (112,9%), Qostanaı (107,9%), Shyǵys Qazaqstan (108,1%), Almaty (107,6%), Qaraǵandy (103,3%), Aqmola (103,4%), Batys Qazaqstan (105,7%), Aqtóbe (103,6%), Qyzylorda (100,4%), Pavlodar (110,6%) oblystary men Nur-Sultan (154,2%), Shymkent (111,3%), Almaty (108%) qalalary.
Turǵyn úıdi paıdalanýǵa berý kórsetkishteri qarqynynyń tómendeýi respýblıkanyń 3 óńirinde baıqalady: ol Atyraý (71%), Túrkistan (95,9%) jáne Mańǵystaý (96,8%) oblystarynda.