«Qys – qatal synshy» dep halqymyz bekerge aıtpasa kerek. 2012 jyldyń sońy men bıylǵy qańtar-aqpanda Kendi Altaıdyń kúre joldary qalyń qar men aqtútek borannyń saldarynan 78 kún boıy jabyq bolyp, jolaýshylardyń jol azabyn tartqanyn qalaı umytaıyq.Tipti tehnıkaǵa boı bermeı, tazalanǵan qardyń kúre joldy aınalasy bes, on mınýtta basyp qalǵanyna kýá boldyq. Ústimizdegi jyldyń aqpanynda Zaısan aýdanyna saparǵa shyqqan bizder Qalbataýdan asa almaı, bararda jáne qaıtarda eki kún boıy jolda túnep, aqyry Shar arqyly poezben jetkenimiz este qalypty. Al bıyl qalaı bolmaq?
«Qys – qatal synshy» dep halqymyz bekerge aıtpasa kerek. 2012 jyldyń sońy men bıylǵy qańtar-aqpanda Kendi Altaıdyń kúre joldary qalyń qar men aqtútek borannyń saldarynan 78 kún boıy jabyq bolyp, jolaýshylardyń jol azabyn tartqanyn qalaı umytaıyq.Tipti tehnıkaǵa boı bermeı, tazalanǵan qardyń kúre joldy aınalasy bes, on mınýtta basyp qalǵanyna kýá boldyq. Ústimizdegi jyldyń aqpanynda Zaısan aýdanyna saparǵa shyqqan bizder Qalbataýdan asa almaı, bararda jáne qaıtarda eki kún boıy jolda túnep, aqyry Shar arqyly poezben jetkenimiz este qalypty. Al bıyl qalaı bolmaq?
Senbi kúni О́skemendegi Respýblıka alańynda 2013-2014 jylǵy qys maýsymynda qar tazalaıtyn tehnıkalardyń ázirligi jaıynda tekseris bolyp, óńir basshysy B.Saparbaev arnaıy mekeme, oblystyq tótenshe jaǵdaılar jónindegi departamentke qarasty bólimderdiń, oblystyq jolaýshylar tasymaldaý jáne avtomobıl joldary basqarmasy bastyǵynyń mindetin atqarýshy Nurjan Jumadilovtiń esebin tyńdady. Qaz-qatar turǵan júzden astam qýatty tehnıkalar kózdiń jaýyn alady. Tipti, aýa raıy kúrt buzylyp, qar astynda qalyp qoıǵan jaǵdaıda adamdardy izdeıtin ıtter de sapta tur.
– Bıyl qar tazalaıtyn 677 tehnıka tolyq daıyn. Onyń 30-yn jańadan satyp aldyq. Asa qaýipti jerlerge qar toqtatatyn qorǵanyshtar qoıylyp, jol belgileri men jylynatyn baspanalar ázirlendi. Janarmaı qory jetkilikti. Joldar jıi jabylyp qalatyn jerlerde eskertý belgileri qoıyldy, eger boran toqtamaıtyn bolsa keshki 17.00-de joldardy jaýyp, tańerteń tazalanyp bolǵansha kólikterdi toqtatyp qoıatyn boldyq, – dep Nurjan Jumadilov habardar etti.
– О́tken jyly jolda qalyp qoıǵan jolaýshylardy qutqaryp qalǵandaryńyzdy bilemin. Oblystyq ákimdik janarmaıǵa, birneshe tehnıka satyp alýǵa qarjy bóldi. Ásirese, mynadaı qardy laqtyratyn shnegi bar tehnıkalar aýadaı qajet. Bıyl qar qalyń jaýyp, qys qatty bolady degendi aıtyp jatyr aýa raıyn zertteýshi mamandar. Demek, qatal qysqa ázir bolýymyz kerek, – dep óńir basshysy Berdibek Máshbekuly eskertý jasady. Jalpy alǵanda oblystaǵy mekemelerdiń qysqa ázirligine oblys ákimi rızashylyǵyn bildirdi.
О́tken jyly qatty aıazda jolda qalyp, adamdardy úsik shalý oqıǵasy oryn alǵan joq. Tikushaqpen júzdegen kólik ıeleri tıisti jerine jetkizildi. Alaıda, saqtanbasa bolmaıdy. «Jolǵa shyqqanda jyly kıim, pıma alyp, arnaıy ydystarǵa janarmaı quıyp alǵan jón» dep tıisti mekeme basshylary keńes beredi. Tipti, qarapaıym ǵana maısham kóliktiń janarmaıy taýsylǵanda birneshe saǵat boıy jylý ustap turady eken. Iá, «jolaýshy muraty jetý» degen. Biraq qaýipsizdik sharalaryn saqtaǵanda ǵana adam ómirin saqtap qalatynymyzdy umytpaǵanymyz jón.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.
--------------------------------
Sýretterde: Respýblıka alańynda tehnıkalarymen sapqa turǵan mamandanǵan qyzmet ókilderi qys qıyndyǵyna ázir.
Sýretterdi túsirgen avtor.