Eki márte Keńes Odaǵynyń Batyry Talǵat Iаkýbekuly Bıgeldınov atyndaǵy Áýe qorǵanysy kúshteri Áskerı ınstıtýtynda 111 túlek memlekettik emtıhandy sátti tapsyrdy. Bul týraly Qorǵanys mınıstrliginiń baspasóz qyzmeti habarlady.
Joǵary oqý orny QR Qarýly Kúshteri úshin avıasııa mamandaryn daıyndaıdy. Tórt jyl boıy kýrsanttar áskerı is boıynsha avıasııalyq mamandyqtardy ıgerdi. Ushý praktıkasynan ótip, avıatehnıkany tehnıkalyq paıdalaný daǵdylaryn aldy. Qorǵanys mınıstriniń buıryǵymen olarǵa ofıserler quramynyń birinshi ataǵy – leıtenant sheni berildi.
Bul shyǵarylymdaǵy oqý úzdigi jas leıtenant Aıan Iýrııge Áýe qorǵanysy kúshteri Bas qolbasshysynyń orynbasary avıasııa general-maıory Turaly Qoıshyqulov qyzyl dıplom tabys etti.
1998 jyldan bastap áskerı ınstıtýt 2450-den astam avıasııa mamandaryn daıarlady. Olar Qarýly Kúshterdiń Áýe qorǵanysy kúshteri, basqa da áskerler men áskerı quralymdardyń avıasııalyq bólimderi qatarynda qyzmet atqarady.