Saýda jáne ıntegrasııa mınıstrligi Nur-Sultan qalasynda tutynýshylardyń quqyqtaryn qorǵaý platformasynyń pılottyq nusqasyn iske qosty, - dep habarlaıdy Egemen.kz
Tutynýshylardyń quqyqtaryn qorǵaý jónindegi sıfrlyq platforma tutynýshylardyń barlyq shaǵymdaryn, ótinishterin jınaýdyń, óńdeýdiń jáne monıtorıngileýdiń ortalyqtandyrylǵan alańy bolýy tıis. Tutynýshylardyń quqyqtaryn qorǵaý jónindegi sıfrlyq platformanyń pılottyq nusqasynyń 1-kezeńi aıasynda "Taýardy aıyrbastaý/qaıtarý" sanaty boıynsha ótinishterdi jınaý jáne óńdeýdiń testileýi júrgiziletin bolady. Pılottyq jobaǵa úsh iri saýda oryndary qatysady: Alser, Magnum Cash&Carry, Anvar.
Tutynýshylar platformaǵa weask.kz adresi boıynsha kire alady jáne joǵaryda kórsetilgen dúkenderden satyp alynǵan taýardy aıyrbastaý / qaıtarý boıynsha óz ótinishterin / shaǵymdaryn qaldyra alady. Bul rette, ónim dúkenniń qaıtarý talaptaryna sáıkes kelýi kerek, chektiń nemese dúkende satyp alý týraly rastaýdyń bolýy qajet. Basqa máseleler boıynsha shaǵymdar/ótinishter berý fýnksıonaly pysyqtalýda jáne platformany tolyqqandy iske qosý sheńberinde qoljetimdi bolady.
Shaǵym/ótinish berý úshin tutynýshyǵa birneshe arnalar qoljetimdi bolady: (1) óz suratýyn tikeleı platformada jiberý, (2) saýda oryndaryndaǵy smartfondardyń kómegimen QR-kodtardy oqý arqyly.
Platformaǵa shaǵym túskennen keıin tutynýshylardyń shaǵymyn dúken qaraıdy. Eger tutynýshy dúkenniń jaýabyna qanaǵattanbasa, onda ótinish ári qaraı QR Tutynýshylardyń quqyqtaryn qorǵaý komıtetiniń qaraýyna jiberiledi.
Platformany tolyqqandy iske qosý nátıjeleri boıynsha tutynýshylar ózderiniń quqyqtary men múmkindikteri týraly qajetti aqparatpen qamtamasyz etiledi, dúkendermen ózara is-qımyl onlaın-formatqa aýystyrylady, bul kórsetiletin qyzmetterdiń / satylatyn taýarlardyń sapasyn arttyrýǵa áser etedi.
Sonymen birge, tutynýshylarda onlaın formatta qoǵamdyq birlestikterden jáne Qazaqstannyń basqa da sotqa deıingi retteý organdarynan qosymsha aqparat jáne qoldaý alý úshin júginý múmkindigi bolady.