27 qazanda Nur-Sultan áýejaıyna Túrkııadan kelgen ushaq qondy. Bortta barlyǵy 138 jolaýshy bolǵan, dárigerler alǵash ret barlyq jolaýshylar PTR testten ótkeni týraly anyqtamalarmen kelgenin atap ótti. Aıta keteıik, karantındik stasıonarǵa eshkim jatqyzylmaǵan.
"Pandemııa bizdiń sanamyzdy ózgertip jatyr. Buǵan deıin elge kelgen azamattardyń tek 70% -ynda ǵana qajetti anyqtama bolǵan, qalǵandaryn biz karantındik stasıonarǵa ornalastyrǵan edik. Kúnine bul kem degende 150 jáne odan da kóp adam bolýy múmkin. Bul joly jaǵdaı basqasha, óıtkeni koronavırýs ınfeksııasyna PTR test ótý anyqtamasy bolmasa, olardy tipti bortqa jibermes edi. О́ıtkeni, 26 qazannan bastap elge halyqaralyq reıstermen kelgen barlyq jolaýshylar, sonyń ishinde QR azamattarynda KVI-ǵa PTR-testten ótkendigi týraly anyqtama bolýy tıis. Munyń bári birinshi kezekte bizdiń densaýlyǵymyz úshin jáne turǵyndar arasynda koronavırýs ınfeksııasynyń taralýyna jol bermeý úshin jasalady. Tek birlesip qana biz pandemııany jeńe alamyz", - dedi Qoǵamdyq densaýlyq saqtaý basqarmasynyń basshysy Tımýr Muratov.
Esterińizge sala keteıik, 26 qazannan bastap shetelden ushatyn qazaqstandyqtar koronavırýsqa PTR-testinen ótpese, ushaq bortyna jiberilmeıdi. Dál osyndaı talap sheteldikterge de qoıylady.
Aıta ketsek, ótken táýlikte 6 halyqaralyq reıs qabyldandy (BAÁ-den 2, Túrkııadan 1, Belorýssııadan 1, Germanııadan 1, Egıpetten 1).