Shyraıly «Shyǵys álemi»

Sharanyń maqsaty – qazir­gi zamanǵy sýretshilerdiń shyǵar­mashylyǵyndaǵy tarıhı sıýjetter men Shyǵys kolorıtiniń sabaqtastyǵyn kórsetý.

Kórmeniń ashylý saltanatynda Ulttyq mýzeı dırektory A.Muhamedıuly, Qazaqstan Respýblıkasynyń Májilis depýtaty E.Shaımardan, «Qazaqstan uıǵyrlarynyń respýblıkalyq etnomádenı ortalyǵy» qoǵam­dyq birlestigi Nur-Sultan qala­lyq fılıalynyń tóraǵasy R.Abdýsalamov sóz sóılep, qyl­qalam sheberiniń otandyq beıneleý ónerin damytýdaǵy qosqan úlesin atap ótti.

A.Ahat 1974 jyly Alma­ty qala­syndaǵy Qazaq pedago­gı­kalyq ınstıtýtynyń Kórkem­sýret-grafıka fakýltetin bi­tir­­gen. 1995 jyly Tashkent qa­­­­lasyndaǵy «Azııa art» kór­me­sinde altyn medalǵa ıe boldy. «Ilham» premııasynyń laý­reaty, «Mádenıet salasynyń úz­digi», Gınness rekordynyń ıe­­geri, sonymen qatar London­da­ǵy aýksıon kórmesiniń qatysý­shysy.

Sýretshiniń jumystary Á.Qas­teev atyndaǵy memlekettik óner mýzeıinde, Máskeýdegi mem­­lekettik shyǵys óner mu­ra­­jaıynda, «Aq Orda» rezıden-

sııasynda jáne Germanııa, Ita­lııa, Túrkııa, AQSh, Qytaı elde­riniń jeke jınaqtarynda saqtaýly.

Ol – tabıǵatynan shyǵysqa jaqyn óner ıesi. Tamǵaly tas­tyń sıýjetterin óziniń barlyq shyǵarmashylyq jumystarynda qoldanady. Budan basqa, tarıhı ádebıet onyń shabyt kózi bolyp qala bermek. Oǵan dálel, kór­medegi jartastaǵy sýretter. Buǵan qosa qatysýshylarǵa kórkem jáne grafıkalyq týyn­dylardy da usyndy. Onyń shy­ǵarmalarynda jeke tús shemasy erekshe. Kórmedegi 100-den asa týyndydan sony baı­qadyq.

Sýretshiniń óner salasyndaǵy kóptegen qyzyǵýshylyqtarynyń ishindegi eń turaqtysy – petroglıfter, jartastaǵy sýretter, mıftik sanamen ómir súrgen qola dáýirindegi aty belgisiz sýret­shilerdiń sımvolıkalyq is-áreket­teriniń izderi. Ol óziniń týyn­dylaryna osy belgilerdi jıi qosady.

Taǵy bir qaıtalanatyn sıýjet – Shyǵys Túrkistan qalalary. Atap aıtsaq, balshyq úıler, esik­terdiń tar sańylaýlary bar qabyrǵalar, qańyrap qal­ǵan kósheler. Osylaısha shyǵar­ma­lary arqyly ekzestensıaldy jalǵyzdyqty bildiredi.

Aıta keteıik, buǵan deıin avtor­dyń jeke kórmeleri Más­keý, Ankara, Genýıa, Almaty, Úrimshi qalalarynda ótken.