Hakim tulǵasy – halyq júreginde

Músháıradan bólek uly aqy­­nyń óleńderi men qara sóz­derin jatqa oqý boıynsha 2 aı boıy túrli saıystar uıymdas­tyrylyp, oǵan 4,5 myńǵa jýyq adam qatysqan. Sondaı-aq jas­tardyń jazý daǵdylaryn damytý maqsatynda onlaın semınar-trenıngter men sheberlik-klastar ótken. Sharaǵa eli­mizge tanymal aqyndar men ja­zýshylar, abaıtanýshy ǵa­lymdar tartylyp, trenıngke 500, sheberlik-klasqa 1000-nan astam jas qatysqan. 

Respýblıkalyq jas aqyndar músháırasyna elimizdiń 17 óńiri­nen 51 aqyn baq synap, bas júl­deni Q.Iаsaýı atyndaǵy HQTÝ stý­denti Dáýren Tileý­hanuly je­­ńip aldy. Jeńimpazǵa 500 myń teńge kóleminde syı­aqy berildi. Júldeli oryn al­ǵan basqa aqyn­dar da aq­shalaı sertıfıkattarǵa qol jet­kiz­di. Músháıraǵa qazy­lyq et­kender qatarynda Qa­zaq­stan­nyń eńbek sińirgen qaı­­­ratkeri M.Raıymbekuly, Halyq­aralyq «Ilham» syı­ly­­­ǵynyń laýreaty D.Baıtur­synuly, bir­neshe músháıranyń júldegeri A.Isadil, «Serper» syı­lyǵynyń laýreaty Á.She­gebaı syndy aqyn­dar boldy. «Músháıraǵa qa­tysqan barlyq aqynnyń ómirbaıandary men eńbekteri jeke kitap bolyp ba­sylyp shyǵady. Prezıdent Qasym-Jomart Toqaev atap ót­kendeı, Abaı murasy – bizdiń ult bolyp birigýimizge, el bolyp damýymyzǵa jol ashatyn qasterli qundylyq bolýy tıis. Keleshekte dál osyndaı jobalar óz jalǵasyn tabady dep oılaımyz. Sondaı-aq joba aıasynda @Abay175zhyl ataýymen Instagram, Facebook áleýmettik jelileri men telegram kanaly ashylyp barlyq jarııalanymdar, baıqaýlar, suraq-jaýaptar, bir­neshe tilde áleýmettik beıne­baıan­dar jarııalandy», deıdi uıymdastyrýshylar.