Obyr – álem jurtshylyǵyn alańdatyp otyrǵan asa qaýipti syrqat. Kendi Altaıdyń kúrdeli ekologııasy, aýyr metaldardyń shekten tys kóp jınalýy qorshaǵan ortaǵa kóp zııanyn tıgizýde. Sondyqtan bolar, onkologııalyq aýrýlar jóninen Shyǵys kósh bastap keledi. О́ńirde bul kúnderi 17,4 myń adam esepte tur.
Obyr – álem jurtshylyǵyn alańdatyp otyrǵan asa qaýipti syrqat. Kendi Altaıdyń kúrdeli ekologııasy, aýyr metaldardyń shekten tys kóp jınalýy qorshaǵan ortaǵa kóp zııanyn tıgizýde. Sondyqtan bolar, onkologııalyq aýrýlar jóninen Shyǵys kósh bastap keledi. О́ńirde bul kúnderi 17,4 myń adam esepte tur.
Qaýipti syrqat boıynsha О́skemen men Semeı alda keledi. Ústimizdegi jyldyń 9 aıynda ǵana asa qaýipti syrqattan 1196 adam kóz jumǵan. Sarapshylardyń aıtýlarynsha, syrqat jandardyń ózderi bul derttiń jabysqanyn mezgilinde bilmeı qalady da, artynan san soǵyp jatady. Abaı, Tarbaǵataı, Aıagóz, Besqaraǵaı men Jarma aýdandarynda syrqat jandar kóp tirkelgen, jyl saıyn kóbeımese azaıar emes. Onkologııalyq aýrýmen kúreste dárigerlerdiń biliktiligi men bilimi asa qajet. Olar qatelesýge jol bermeýi kerek. Alaıda, talaı kemshiliktiń bar ekeni jaqynda oblystyq prokýratýra ótkizgen baspasóz brıfınginde sóz boldy. Onyń jumysyna oblys ákiminiń birinshi orynbasary Ermek Kósherbaev, oblys prokýrory Baǵban Taıymbetov qatysty. Oblystyq prokýratýra qyzmetkerleri oblys ortalyǵynda ótkizgen tekseris kezinde talaı kemshiliktiń bar ekenin anyqtaǵan.
– Prokýrorlar tekserisi qajettilikten týyndap otyr, – dedi oblys prokýrory B.Taıymbetov. – Syrqat jandar dári-dármektiń jetispeıtinin aıtsa, munda dárilik preparattardy saqtaý talaptary eskerilmegen. Dıspanserdegi shaǵyn operasııa zalynda jabdyqtar men qondyrǵylar bolǵanymen olar bos, jumys istemeı jatyr.Kýrchatov qalasynan kelgen syrqat ózine tıisti dárini ala almaǵanyn aıtady. Keıbir dári-dármekterdiń ýaqyty ótip ketken, ony kezinde paıdalanýǵa bolatyn edi ǵoı, – dedi brıfıngte oblys prokýrory.
«Kvant-Semeı» jaýapkershiligi shekteýli seriktestigi ótken jyly 5,5 mıllıon teńgeniń dári-dármegin jetkizip bergen. Al bıyl 4 mıllıon teńgege shart jasasypty. Demek, dári ýaqtyly jetkenimen, ony tıimdi paıdalanýǵa kóńil bólinbeýde.
Dıspanserde eńbek tártibi árkez saqtala bermeıdi. Keıbir jumysshylardyń eńbek quqyqtary buzylǵan. Mine, osy kemshilikterdiń barlyǵyn túzeý, adam faktoryn kúsheıtýge kóńil bólý qajettigi aıtyldy.
Ońdasyn ELÝBAI,
«Egemen Qazaqstan».
О́SKEMEN.