Ulytaý aýdanynyń ortalyǵynda "Ulytaý" atty jańa qonaq úıi paıdalanýǵa berildi, dep habarlaıdy Egemen.kz
Shaǵyn jáne orta bıznes nysanyn jeke kásipker Ǵazız Dáýitbaev iske jaratty.
Jańa qonaq úıdiń eki adamǵa arnalǵan toǵyz bólmesi bar. Onyń ekeýi VIP sanatynda. Sonymen qatar, ǵımarat ishinde 38 adam bir mezgilde erkin otyryp tamaqtana alatyn ashana men 84 qonaqqa arnalǵan banket zaly bar. Baǵasy qoljetimdi qonaq úıde búgingi kúnde jeti adam turaqty jumys isteıdi.
Qazirgi tańda Ult uıasy Ulytaýdy etnotýrızmniń ortalyǵyna aınaldyrý boıynsha iri jobalardyń qolǵa alynyp jatqany belgili. Qutty qonaqtarǵa qaqpasyn aıqara ashqan "Ulytaý" qonaq úıi sonyń bir dáleli.