«Men týǵan elimniń patrıotymyn»

«MEN TÝǴAN ELIMNIŃ PATRIOTYMYN»– DEIDI ARTEM IаKOVENKO

Artemǵa habarlastyq. Bizdiń ótinishimizge birden qulaq asyp, qazaq tilinde eki-úsh aýyz sóz qosyp jaýap berdi. Bul «Bolashaq» stıpendııasy ıegeriniń mem­lekettik tilge degen qurmetin baıqatty. Endi, mine, súp-súıkimdi balań jigit bizge ózi týraly áńgimelep otyr.

«MEN TÝǴAN ELIMNIŃ PATRIOTYMYN»– DEIDI ARTEM IаKOVENKO

Artemǵa habarlastyq. Bizdiń ótinishimizge birden qulaq asyp, qazaq tilinde eki-úsh aýyz sóz qosyp jaýap berdi. Bul «Bolashaq» stıpendııasy ıegeriniń mem­lekettik tilge degen qurmetin baıqatty. Endi, mine, súp-súıkimdi balań jigit bizge ózi týraly áńgimelep otyr.

–Artem, «Bolashaq» baǵ­dar­lama­synyń stıpendıaty atanǵan kún esińde me?

– Men 2005 jyly oblys ortaly­ǵyndaǵy №22 mektepti bitirdim. Árbir jastyń aldynda bul kezde tolǵan tań­daý, maqsattar turady ǵoı. Árıne, bas­qa qalalarǵa baryp ta oqýǵa bolady. Biraq, men sol kezde ózimniń týǵan qa­lam Pavlodardaǵy Sultanmahmut Toraı­ǵyrov atyn­daǵy memlekettik ýnı­ver­sıtetti tańdaǵan edim. Oqý ornyn tań­daǵanyńmen, mamandyq tańdaý ońaı emes. Ýnıversıtettiń «Basqarý júıelerin avtomattandyrý» jáne «Metrologııa, standarttaý jáne sertıfıkattaý» atty eki bólimniń birine barý kerek boldy. Biraq, bir kúni bári de kútpegen jerden ózgerdi. Sol 2005 jyly mamyr aıynda synyp jetekshim Valentına Melıhova bizge elimizdegi «Bo­lashaq» baǵdarlamasy jaıly aıtyp berdi. Jáne meniń UBT-dan alǵan kórsetkishterim bul baǵdarlamanyń talaptaryna saı keledi eken. Ata-anam qatty qýandy. Osy baǵdarlama arqyly oqýǵa túsýge bel býdym.

Sóıtip men Reseıde oqýdy jón sanadym. Novosıbırskiniń memlekettik tehnıkalyq ýnı­versıtetin tańdadym. Astanaǵa kelip matematıka, fızıka, orys tilinen emtıhan tapsyrdym.

– Sonymen, kútken kún de keldi.

– Iá, bul kún esten ketpeıdi. Tamyz aıynda emtıhan qory­tyndysy belgili bolyp, Más­keýdegi avıasııalyq ınstıtýtqa «Bolashaqtyń» joldamasyn berdi.

Osylaısha, 2005 jyldyń 12 qyrkúıegi máńgi esimde qaldy. Qazaqstandyq stýdentter Asta­nadan Máskeýge ushtyq.

Ekibastuzdan barǵan Azat О́teshovpen bir kýrsta oqydyq, jataqhanada jerles retinde birge júrdik. Men «Bolashaq» baǵdarlamasynyń aldyndaǵy mindetimdi oryndadym dep oılaımyn. Instıtýtta jaqsy oqy­dym, únemi izdeniste júrdim. О́ndiristik tájirıbelerdiń bárin de Pav­lodardaǵy óndiris oryndarynda ótkizdim.

Men óz elime, Qazaqstanǵa asyqtym. Oqý bitirgen soń týǵan qalam Pav­lodarǵa oraldym. Jumysqa ornalasýyma esh bóget bolǵan joq. Qazir «RýbıKOM» serik­testiginde mamandyǵym boıynsha jumys isteımin. О́ndiristik basqarý júıe­siniń jetekshisimin.

Men qalanyń qarapaıym mektebinde oqyǵan oqýshy re­tinde árqashan Elbasy Nur­sultan Nazarbaevqa alǵys aıtamyn. Prezıdenttiń «Bolashaq» baǵ­dar­lamasy arqyly ómirde ózim tańdaǵan mamandyqqa qol jetkizdim. Máskeýde oqyp, elime keldim. Men – Qazaq eliniń patrıotymyn.

Farıda BYQAI,

«Egemen Qazaqstan».

PAVLODAR.

OLGANYŃ ORALÝY

«Alty Alashtyń balasy bas qossa, muǵalim joǵarydan oryn alýy kerek» degen eken bir kezderi Maǵjan Jumabaev. Árıne, bul Qazan tóńkerisiniń tusynda, qazaq dalasynda muǵalim qat zamanda aıtylǵan sóz shyǵar, biraq qandaı zaman, qandaı ýaqyt bolsa da muǵalimniń bedeli, abyroıy esh tómendemeıtini anyq. О́ıtkeni, bizdiń elde barlyq jol mektepke aparady. Áıteýir, bizde osy bir kıeli shańyraqqa bas suqpaǵan, bilim almaǵan, qońyraýynyń syńǵyryn estimegen adam kemde-kem. Bálkim, joq ta bolar...

Biz áńgime etkeli otyrǵan Olganyń anasy muǵalim bolǵan eken. Jas qyz kishkentaıynan anasyna eliktep, osyndaı asqaq mamandyq ıesi bolýdy, ustaz bolýdy, bala oqytýdy armandap ósipti. Áıteýir, anasy sııaqty eńbekqor, bilimdi, talapshyl bolýǵa tyrysypty. Shymkent qalasynyń qaq ortasyndaǵy №8 M.H.Dýlatı atyndaǵy mektep-gımnazııa Ońtústiktiń ǵana emes, búkil elimizdiń bilim salasynda úlken jetistikke qol jetkizip, únemi bıikten kórinip júrgen jaıy bar. Áıteýir, eldiń bári balalaryn osy mektepte oqytqysy keledi. Olga da alǵash ret osy mek­teptiń tabaldyryǵyn attady. Bar erik-jigerin, qaıratyn bilim jolyna jumsaı bilgen jas qyz qaıda júrse de, qaıda oqysa da úzdikterdiń qatarynda boldy. M. Áýezov atyndaǵy OQMÝ-diń álem tilderi jáne qatynastary fakýltetin bitirgennen keıin bilimdi qyzdyń baǵy janyp, «Bolashaq» baǵdarlamasy boıynsha Kanada eline jol tartty. Osyndaǵy Manıtoba aımaǵynyń Vınnıpek qalasynda dáris alyp, eki jyldan keıin elge oraldy. Shet tilderiniń mamany atanǵan Olga birden týǵan shahary – Shym-qalaǵa tartypty. Týǵan jerge tý tigip, búginde belsenip jumys istep jatqanyna birneshe jyldyń júzi bolǵan oǵan áńgime barysynda «Nege Astana, Almatyda qalmadyń, qansha degenmen «Bolashaq» baǵdar­lamasymen bitirgenderge kóp jerde jol ashyq, múmkindik zor edi ǵoı...» degen suraqty da qoıǵanymyz ras.

«Eldiń bári qyzmet, mansap izdep, Astana, Almatyǵa kete berse, aýyl-aımaq­tyń balalaryna kim sabaq beredi? – deıdi Olga Morozova. – Egemen elimizdiń salı­qaly saıasatyna úlken rahmet, bizdiń sapaly bilim alýymyzǵa jaǵdaı jasady, qoldaý kórsetti. Endi biz sol qamqorlyqtyń óteýin adal eńbegimizben qaıtarýymyz kerek emes pe? Shetelden alǵan bilimimdi, jınaǵan tájirıbemdi, ol jaqtyń bilim salasynyń jaqsy jańalyǵyn eń aldymen óz mektebime engizgim keldi. Týǵan jerime, bilim alǵan mektebime oralýymnyń bir syry osynda. Jasyratyny joq, el arasynda «Bolashaq» baǵdarlamasy boıynsha shetelde oqyp kelgenderge degen óte erekshe kózqaras bar. Bul árıne, úlken qurmet, úlken senim, jaýapkershilik. Biraq, «Men «Bolashaqty» bitirip keldim» dep eshqashanda ózimdi basqalardan joǵary ustamaımyn. «Bolashaq» bizdi eń aldymen mádenıetti, eldiń patrıoty, adal perzenti bolýǵa úıretti. Tereń bilim berdi. Al, qalǵan jetistik, tabystyń bári tájirıbe, eren eńbektiń arqasynda keledi. Shetelde bilim alyp júrgende bizge de ońaı bolǵan joq. Eń aldymen jergilikti halyqtyń minez-qulqy, turmys-salty, mentalıtetine úırený qıyn boldy. Biraq, eldiń atyna kóleńke túsirmeýge tyrysyp, jaqsy bitirý úshin bar kúshimizdi saldyq. Qanshama jyldan beri osy mektepte jumys istep kele jatqandyqtan, bilim salasynyń problemasyn bir kisideı bilemin. Men Kanadada alǵan bilimim men tájirıbemdi ushtastyra otyryp, sol máselelerdi sheshýge tyrystym».

О́z mektebine oralǵan Olga­nyń eńbegi esh ketpepti. Búginde onyń birneshe shákirti shetelde oqyp júr. Solardyń qatarynda Birjan Álimbekov pen Marına Lım Ka­nadada, Konstantın Balakırov AQSh-ta bilim alyp júrgenderin aıtýǵa bolady. Odan bólek te qanshama shákirtteri talaı mamandyq ıesi atanyp, ómirden óz joldaryn taýyp ketti. «Jaqsy ustaz – shákirttiń baqyty» degen, laıym ustazdan shákirt oza bersin.

Oralhan DÁÝIT,

«Egemen Qazaqstan».

Ońtústik Qazaqstan oblysy.