"Saryarqa Aqparat" medıaholdıngi Qaraǵandy oblysynyń jetekshi BAQ ókilderimen birlesip "ArselorMıttal Temirtaý" AQ qoldaýymen koronavırýspen kúres taqyrybyndaǵy úzdik úgit-nasıhat materıaldaryna baıqaý jarııalaıdy, - dep habarlaıdy Egemen.kz
Baıqaýǵa Qazaqstan Respýblıkasynyń kez kelgen turǵyny qatysa alady. Konkýrsqa usynylatyn jumystardy kez kelgen túrde – vıdeo, foto, sýret, kollaj, grafıkalyq dızaın, óleń, án t.b. berýge bolady.
Qatysýshy ártúrli nomınasııaǵa túrli jumystaryn jibere alady. Bir qatysýshynyń birneshe jumys usynýyna shekteý joq.
Konkýrs 4 nomınasııadan turady: 1. Vırýsqa qarsy úzdik beınerolık. 2. Tutynýshylarǵa qamqorlyq. 3. Antıvırýs boıaýlary. 4. Betperde kıgen adam.
Baıqaýǵa qatysýshylar jumystaryn Instagram, Facebook jáne t.b. áleýmettik jelilerdegi paraqshalarynda ózi qatysatyn nomınasııany kórsete otyryp, qazaq nemese orys tilinde #AntıKovıdKrg heshtegimen jarııalaıdy. Sondaı-aq, Life.09_ Instagram paraqshasyna jazylyp, silteme jasaýy shart.
Aıta keteıik, baıqaý 1-25 qarasha aralyǵynda ótkiziledi. Baıqaý qorytyndysy 26 qarashadan 29 qarashaǵa deıin shyǵarylady. Ár nomınasııa boıynsha 5 jeńimpaz anyqtalady. Jalpy 4 nomınasııa boıynsha 20 jeńimpaz tańdalady. Jeńimpazdardyń árqaısy 50 000 teńgeden aqshalaı syıaqymen marapattalady.