Búginde Jambyl oblysy, Moıynqum aýdanynyń damý qarqyny joǵary. Barlyq salada ósý bar. Bul týraly búgin Moıynqum aýdanynyń ákimi Máden Musaev Taraz qalasyndaǵy óńirlik kommýnıkasııalar qyzmetiniń alańynda ótken brıfıngte aıtty, dep habarlaıdy Egemen.kz
Aǵymdaǵy jyldyń qańtar-qyrkúıek aılarynda ónerkásip ónimderiniń jalpy kólemi 59 078,0 mıllıon teńgege jetken. Al, qurylys jumystarynyń kólemi bıyl 13 272,5 mıllıon teńgeni quraǵan. Sondaı-aq, osy ýaqytqa deıin 2900,0 sharshy metr turǵyn úı paıdalanýǵa berilgen. Sol sııaqty aýyl sharýashylyǵy salasynyń jalpy ónimi 4459,4 teńge bolǵan.
"Kóktemgi egis dala jumystary óz deńgeıinde júrgizildi. Atap aıtsaq, bıylǵy jyly egis alqabyn 334 gektarǵa arttyryp, josparlanǵan 5408 gektar jer tolyq ıgerildi. Kóktemgi egis dala jumystaryna Úkimet tarapynan kepildendirilgen baǵamen aýdan sharýashylyqtaryna 390 tonna janar-jaǵarmaı bólinip, aýdan sharýashylyqtarynyń egistik jer kólemine sáıkes taratylyp berilý jumystary júrgizilýde. Jalpy, Moıynqum aýdanynda jer ereksheligine qaraı egin sharýashylyǵymen "Shý" ózeniniń boıyndaǵy 7 eldi mekenniń sharýashylyqtary aınalysady. О́tken jyly aýdandyq bıýdjet esebinen 60,0 mıllıon teńgege jalpy uzyndyǵy 69,0 shaqyrym bolatyn 9 toǵandy mehanıkalyq tazalaýdan ótkizdik. Bıylǵy jyly da jalpy uzyndyǵy 51 shaqyrym bolatyn toǵandardy tazalaý jumystary uıymdastyrylyp otyr. Bul jumystarǵa aýdan bıýdjetinen 16,4 mıllıon teńge qarjy bólinse, "Jumyspen qamtýdyń jol kartasy" baǵdarlamasy aıasynda 52,4 mıllıon teńge qarjy qaralyp, tazalaý jumystary júrgizilýde", dedi Máden Musaev.
Sonymen qatar, bıyl "Jumyspen qamtýdyń jol kartasy" baǵdarlamasy arqyly aýdanda 21 aýylishilik joldardy ortasha jóndeý úshin 454,5 mıllıon teńge qarastyrylǵan. Al, aýdandyq bıýdjet esebinen 9 aýylishilik joldardy jóndeýge 206,2 mıllıon teńge bólingen. Qazirgi tańda jumys júrgizilýde eken. Sol sııaqty, aýdan boıynsha jalpy 24 aýyldyq eldi mekenniń 17 eldimekeni nemese 70,8 paıyzy ortalyqtandyrylǵan aýyzsýmen qamtamasyz etilgen.
"2019 jyly jalpy 258,5 mıllıon teńgege aýyzsý qubyry qurylystarynyń jumystary júrgizildi. Onyń ishinde jobalyq quny 426,3 mıllıon teńgeni quraıtyn "Qylyshbaı aýylyndaǵy aýyzsý ǵımaratynyń jáne sý qubyry qurylysynyń 2-kezeńin salý" nysanyna 111,0 mıllıon teńge qarjy bólinip, jumystary júrgizilse, bıylǵy jylǵa osy jobany aıaqtaýǵa 302,0 mıllıon teńge qarajat qarastyrylyp otyr. 2019 jyly jobalyq quny 996,4 mıllıon teńgeni quraıtyn "Balqash kólinen Býrylbaıtal stansasyna deıin sý qubyry jáne sý qabyldaý ǵımarattary qurylysyn salý" jáne jobalyq quny 583,6 mıllıon teńgeni quraıtyn "Býrylbaıtal-Mırnyı-Qııaqty top sý qubyry qurylysyn salý" jumystary tolyq aıaqtaldy. 2020 jylǵa jobalyq quny 780,0 mıllıon teńge bolatyn "Qarabóget-Saryózek aýyldaryn sýmen jabdyqtaý jáne sý taratý qurylysy" jobasyn qarjylandyrýǵa ótinim berildi", dedi ákim.
Jalpy, jıyn barysynda Máden Musaev qazirgi tańda halyqtyń suranysy aýyl-aımaqqa gaz qubyryn júrgizý bolyp otyrǵanyn jetkizdi. Ákim qazirgi kezde kópten beri kúrdeli másele bolyp kele jatqan eldimekenderge kógildir otyn tartý jumystary bastalǵanyn málimdedi. Iаǵnı ákimdik kórshi Shý aýdanyndaǵy gaz stansasymen kelisimge kelipti. Sondaı-aq, aýdandaǵy túrli saladaǵy jumystar týraly da áńgimeledi.