Fılıppın «Molave» taıfýnynan qatty zardap shekti. Dúleı daýyl saldarynan Manıla qalasynan ońtústikke qaraı ornalasqan júzdegen kentti sý basyp qaldy. Lýson aralynda sý tasyp, 12 adam is-túzsiz joǵalǵan.
Búginge deıin el bıligi 25 myńnan astam adamdy qaýipsiz aımaqqa evakýasııalaǵan. Budan bólek taǵy 20 myńǵa jýyq turǵyn arnaıy jabdyqtalǵan mektepter jáne úkimettik ǵımarattardy panalap otyr.
Batysqa qaraı baǵyt alǵan taıfýnnyń jyldamdyǵy 125 shaqyrymdy quraıdy. Keı jerlerde daýyl saǵatyna 180 shaqyrymǵa deıin jetken. Úkimet ókilderiniń habarlaýynsha, «Molave» Ońtústik Qytaı teńizine qaraı bet alýy múmkin.
Shyǵys Mındoro provınsııasy tabıǵı apattan eń kóp zardap shekti. Aımaqta júzdegen kent sý astynda qalyp, aýylsharýashylyq alqaptar búlindi. Qulaǵan aǵashtar joldardy bógep tastaǵan. Kóptegen eldi mekende elektr jaryǵy joq. Eki myńǵa jýyq jumysshy porttarda qamalyp qalǵan.
Jalpy, Fılıppın álemdegi taıfýn jıi bolatyn óńir sanalady. Jyl saıyn munda shamamen 20-ǵa jýyq daýyl turady.