AQSh bıligi Iranǵa jáne eldegi munaı-gaz salasyna qatysty kompanııalarǵa jańa sanksııa saldy. «Qara tizimge» ilikkender qatarynda Irannyń munaı mınıstrligi de bar. Reıter agenttiginiń habarlaýynsha, bul qadam Tegeranǵa qysym kórsetý maqsatynda jasalyp otyr.
AQSh-tyń Qazynashylyq departamenti Irannyń munaı-gaz salasy Quds kúshterin qarjylandyryp otyrǵanyn alǵa tartady. Osylaısha, Tegeran bıligi aımaqtaǵy turaqtylyqqa kedergi keltirip otyr.
Sondaı-aq «qara tizimge» engender qatarynda Irannyń Ulttyq munaı kompanııasy men Ulttyq tanker kompanııasy da bar. Vashıngton bıligi atalǵan kompanııalar men olarǵa qatysy bar tulǵalardyń AQSh-taǵy shottaryn buǵattap, amerıkalyqtardyń olarmen saýda jasaýyna tyıym saldy.
Iran men AQSh arasy Donald Tramp Aqúı tizginin ustaǵaly qaıta buzylǵan-dy. Máselen, 2018 jyly AQSh tarapy Iranmen jasalǵan ıadrolyq qarý jónindegi kelisimnen shyqty. Bıylǵy qańtarda osy eldiń tanymal generaldaryn atyp óltirdi.