Mobıldi qosymshadaǵy qolaısyz jaǵdaı

Qazannyń 28-i kúni tańer­teń­nen bastap atalǵan qosym­shadan aýytqýlar baıqalyp, ile-shala onyń qyzmeti ýa­qy­t­sha qoljetimsiz boldy. Bank klıentteriniń esep­sho­tyn­­daǵy qarjysynyń du­rys kórsetilmeýi túrli alyp­qashpa áń­gimege jeteledi. Biriniń qar­jysy kemip, tipti mınýsqa kirip ketse, endi biri esebiniń ese­­­lenip ketkenin aıtyp jatty.

Bank qosymshasyndaǵy bul beı-bereket kıbershabýyldyń kesirinen boldy dep baǵam­da­ǵandar da kóp kezdesti. Áleý­mettik jelide hakerlerdiń klıent­­terdiń kartasynan 79 mln teńge tonaǵany týraly habar tarady. Alaıda kóp uzamaı bank ókilderi mundaı faktini joq­­qa shyǵaryp, tehnıkalyq aqaý bolǵanyn, klıentterdiń aqsha­sy saqtalatynyn málim­dedi.

«28 qazan kúni Kaspi.kz qosymshasynda tehnıkalyq aqaý týyndady. Nátıjesinde, klıentterdiń shottaryndaǵy qarjy kólemin qate kórsetýde. О́kinishke qaraı, kartamen tólem jasaý, bankomattardan aqsha sheshý, tolyqtyrý, tó­lem­­der men aýdarymdar ýa­qytsha qoljetimsiz. Kom­pa­­nııa bar­lyǵyn tez arada qa­lypqa kel­tirý úshin jumys is­teýde. Áleý­mettik jeliler men messendjer­lerde munyń kı­bershabýyl ekeni týra­ly jalǵan aqparat tarady. Esh­qandaı kıber­shabýyl bolma­ǵanyn habarlaımyz, klıent­terdiń qarajaty túgel­deı óz qal­pynda jáne aqaý retke kel­­tirilgennen keıin qosym­shada durys kórsetiledi», dedi atalǵan banktiń baspasóz hatshysy Erbol Azanbek.

Rasynda, kóp uzamaı qosym­shanyń qyzmeti qalpyna kel­di. Biraq báribir syr bergen júıeden sekem alyp qalǵandar banktegi esepshotynyń qaýip­siz­­digine alańdaýshylyq bildi­rip jatyr. Shı shyqqan sol sha­ma­ly ýaqytta halyq shýlap ketip, biraz feık aqparattar da tarap úlgerdi. Qosymshadaǵy irki­liske qatysty ázil-shyny ara­las áńgimeler áleýmettik jeli­niń sol kúngi taqyrybyna aınaldy.

Bank ókilderi oryn alǵan bul olqylyq úshin keshirip surap, 29 qazan men 4 qarasha aralyǵynda Kaspi QR arqyly jasalǵan árbir tólem úshin 5% bonýs syılaıtynyn habarlady.