Atyraýǵa taǵy bir jyljymaly zerthana keldi. Ony M.Aıqymbaev atyndaǵy asa qaýipti ınfeksııalar ulttyq ǵylymı ortalyǵynyń zerthana meńgerýshisi Zııat Ábdel oblystyq obaǵa qarsy kúres stansasyna tapsyrdy. Bul zerthanada kúnine 500 adam PTR synamasyn tapsyra alady.
– Mundaı mobıldi zerthana bakterııalyq, ınfeksııalyq zertteýlerdi jedel anyqtaýǵa jol ashady. «KamAZ» kóligine ornatylǵan sońǵy úlgidegi zerthanany aýdandarǵa da aparyp, zertteý júrgizýge múmkindik bar. О́ıtkeni Eýro-5 standartyna jatatyn zerthanasy bar kólik qumdy, taýly-tasty, dalalyq jolmen júre alady. Jyljymaly zerthanany alys eldi mekende, dalada asa qaýipti ınfeksııalarǵa, derbes jáne ınfeksııalyq aýrý oshaǵynda stasıonarlyq saraptama orny retinde paıdalanýǵa bolady, – deıdi Zııat Ábdel.
Onyń aıtýynsha, kóliktegi zerthana bakterıologııalyq, serologııalyq, ımmýnofermenttik taldaý júrgizý jıyntyǵymen, jeldetý, qorǵanysh quraldarymen jabdyqtalǵan. Onda dáriger men zerthanashylardyń qaýipsiz jumysy úshin barlyq jaǵdaı jasalǵan.
Atyraý oblysy