2013 jylǵy 27 tamyz Astana, Úkimet Úıi
Qazaqstan Respýblıkasy Qarjy mınıstrliginiń keıbir máseleleri týraly
2013 jylǵy 27 tamyz Astana, Úkimet Úıi
Qazaqstan Respýblıkasy Qarjy mınıstrliginiń keıbir máseleleri týraly
Qazaqstan Respýblıkasynyń Úkimeti qaýly etedi:
1. «Qarjy júıesi organdarynyń mamandaryn daıarlaý, qaıta daıarlaý jáne biliktiligin arttyrý ortalyǵy» aksıonerlik qoǵamy men «Qarjy akademııasy» aksıonerlik qoǵamy birigý jolymen jarǵylyq kapıtalyna memleket júz paıyz qatysatyn «Qarjy akademııasy» aksıonerlik qoǵamy (budan ári – qoǵam) bolyp qaıta uıymdastyrylsyn.
2. Mynalar:
1) qoǵamǵa qatysty ýákiletti organ bolyp Qazaqstan Respýblıkasy Qarjy mınıstrligi;
2) qoǵam qyzmetiniń negizgi máni bilim berý qyzmetin iske asyrý, qarjy júıesi organdary mamandarynyń biliktiligin arttyrý, sondaı-aq býhgalterlerdi kásibı sertıfıkattaý jónindegi qyzmet bolyp aıqyndalsyn.
3. Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti zańnamada belgilengen tártippen:
1) qoǵam jarǵysynyń bekitilýin;
2) qoǵamnyń Qazaqstan Respýblıkasynyń ádilet organdarynda memlekettik tirkelýin;
3) osy qaýlydan týyndaıtyn ózge de sharalardyń qabyldanýyn qamtamasyz etsin.
4. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.
5. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 27 tamyzdaǵy № 867 qaýlysymen bekitilgen
Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar
1. «Aksııalardyń memlekettik paketterine memlekettik menshiktiń túrleri jáne uıymdarǵa qatysýdyń memlekettik úlesteri týraly» Qazaqstan Respýblıkasy Úkimetiniń 1999 jylǵy 12 sáýirdegi № 405 qaýlysynda (Qazaqstan Respýblıkasynyń PÚAJ-y, 1999 j., № 13, 124-qujat):
kórsetilgen qaýlymen bekitilgen aksııalarynyń memlekettik paketteri men úlesteri respýblıkalyq menshikke jatqyzylǵan aksıonerlik qoǵamdar men sharýashylyq seriktestikterdiń tizbesinde:
«Astana q.» degen bólimde:
rettik nómiri 21-94-jol alynyp tastalsyn;
mynadaı mazmundaǵy rettik nómiri 21-161-jolmen tolyqtyrylsyn:
«21-161. «Qarjy akademııasy» AQ».
2. «Respýblıkalyq menshiktegi uıymdar aksııalarynyń memlekettik paketteri men memlekettik úlesterine ıelik etý jáne paıdalaný jónindegi quqyqtardy berý týraly» Qazaqstan Respýblıkasy Úkimetiniń 1999 jylǵy 27 mamyrdaǵy № 659 qaýlysynda:
kórsetilgen qaýlymen bekitilgen ıelik etý jáne paıdalaný quqyǵy salalyq mınıstrlikterge, ózge de memlekettik organdarǵa beriletin respýblıkalyq menshik uıymdaryndaǵy aksııalardyń memlekettik paketteriniń jáne qatysýdyń memlekettik úlesteriniń tizbesinde:
«Qazaqstan Respýblıkasynyń Qarjy mınıstrligi» degen bólimde:
rettik nómiri 217-10-jol alynyp tastalsyn;
mynadaı mazmundaǵy rettik nómiri 217-13-jolmen tolyqtyrylsyn:
«217-13. «Qarjy akademııasy» AQ».
3. «Qazaqstan Respýblıkasy Qarjy mınıstrliginiń keıbir máseleleri týraly» Qazaqstan Respýblıkasy Úkimetiniń 2008 jylǵy 24 sáýirdegi № 387 qaýlysynda (Qazaqstan Respýblıkasynyń PÚAJ-y, 2008 j., № 22, 205-qujat):
kórsetilgen qaýlymen bekitilgen Qazaqstan Respýblıkasy Qarjy mınıstrliginiń jáne onyń vedomstvolarynyń qaramaǵyndaǵy uıymdardyń tizbesinde:
«Qarjy júıesi organdarynyń mamandaryn daıarlaý, qaıta daıarlaý jáne biliktiligin arttyrý ortalyǵy» aksıonerlik qoǵamy» degen 2-tarmaq alynyp tastalsyn;
mynadaı mazmundaǵy 5-tarmaqpen tolyqtyrylsyn:
«5. «Qarjy akademııasy» aksıonerlik qoǵamy».