Almatyda kınoteatr bıletteriniń baǵasy 30 paıyzǵa deıin ósken, dep habarlaıdy Egemen.kz Almaty.tv telearnasyna silteme jasap.
"Kınoteatr bıletteriniń baǵasy qymbattaýy ábden múmkin edi. Ortasha alǵanda, olardyń quny 20-30 paıyzǵa ósti. Eger buryn keshki seans 2400 bolǵan bolsa, qazir ol 600 teńgege qymbat. Kásipkerlerdi túsinýge bolady. Tótenshe jaǵdaı rejımi olardyń bıznesine keri áser etti, al ázirge anshlag jasaýǵa tyıym salynady", - dedi Áýezov aýdany taýarlar men qyzmetterdiń sapasy men qaýipsizdigin baqylaý basqarmasynyń bólim basshysy Saltanat Bópejanova.
Belgili bolǵandaı, ázirshe prokatta kóptegen otandyq fılm bar. Sheteldik kınolar prokatqa 29 qazannan bastap shyǵady.
Ákimdiktegilerdiń aıtýynsha, kınoteatrlarda barlyq qaýipsizdik erejesi saqtalǵan. Kireberiste barlyǵynyń dene qyzýy ólshenedi, dezınfeksııalyq kilemsheler tóselgen. Ár zalda sanıtaızerler ornatylǵan, barlyq qyzmetker qorǵanys quraldarymen jumys isteıdi.