Qarjy monıtorıngi komıtetiniń Túrkistan oblysy boıynsha Ekonomıkalyq tergeý departamentiniń qyzmetkerleri júrgizgen jedel izdestirý is-sharalary barysynda Saryaǵash qalasynyń turǵyndarynyń kórineý jalǵan esepke alý-baqylaý markalaryn paıdalana otyryp, alkogol ónimderin daıyndaıtyn astyrtyn sehtyń qyzmetin uıymdastyrǵany anyqtaldy, - dep habarlaıdy Egemen.kz
Tintý barysynda kólemi 0,5 l. "Pshenıchnaıa" markaly jalǵan alkogol óniminiń 284 bótelkesi jáne 600-ge jýyq jalǵan esepke alý-baqylaý markalary anyqtalyp, tárkilendi.
Saryaǵash aýdandyq sotynyń úkimimen Túrkistan oblysynyń eki turǵyny QR QK-niń 233-babynyń 2-bóligimen (kórineý jalǵan aksızdik markalardy jáne (nemese) esepke alý-baqylaý markalaryn ótkizý maqsatynda jasaý nemese ıemdený, sol sııaqty paıdalaný nemese ótkizý) qarastyrylǵan qylmystyq quqyq buzýshylyqty jasaǵany úshin kináli dep tanylyp, olarǵa eki júz saǵat merzimge qoǵamdyq jumystarǵa tartý jazasy taǵaıyndalǵan.