COVID-19-ǵa baılanysty lokdaýn kezeńinde aqysyz onlaın-keńester beretin arnaıy saıttar ashyldy, olar qazir de óz jumysyn jalǵastyrýda, - dep jazady Egemen.kz
Mysaly, 2020 jyldyń 4 sáýirinde Qazaqstanda covid-19.mentalcenter.kz saıty iske qosyldy. Bul platforma - BUU ortalyǵy men balalar qorynyń (IýNISEF) jobasy. Onyń maqsatty aýdıtorııasy áleýmettik jaǵynan nemese jas ereksheligimen shektelmeıdi. Barlyǵy birdeı psıhologııalyq kómekke júgine alady: karantın jaǵdaıynda oqshaýlanǵan eresekter, balalar, jasóspirimder, qart adamdar jáne múgedektigi bar adamdar. KVI-men kúreske tartylǵan medısına qyzmetkerleri men bilim berý psıhologtaryna da kásibı keńester beriledi.
"Saıt eki bólimnen turady. Birinshisi, bilim berý. Onda qandaı da bomlasyn buzylýlardy, mazasyzdyqty, uıqynyń buzylýyn qalaı retteýge bolatynyn, ıaǵnı pandemııa kezinde stressti basqarý joldaryn bile alasyz. Qazirgi kezde 40 myńnan astam adam osy saıtqa kirip, 100 myńnan astam adam tıisti sessııalar ótkizgen. Ekinshi bólim - tıisti jeke kómek. Onda ózińizdi qyzyqtyrǵan suraqty qoıyp, jazbasha túrde jaýap alýǵa bolady. Sondaı-aq 350 adam online-keńes alǵan", - dedi Negaı.
Aıta keteıik, keńes alýǵa jazylý úshin telefon nomeri ǵana qajet. Onlaın-kezdesý ýaqyty abonentke SMS arqyly jiberiledi. Sondaı-aq anyqtama qyzmeti, baılanys ortalyǵy jáne elektrondyq meken jaı arqyly júginýge bolady. Barlyq aqparat qupııa saqtalady.