Atyraýdaǵy munaı óńdeý zaýyty LED-ekrandaǵy derekterdi saǵat saıyn jańartyp otyrady, dep habarlaıdy Egemen.kz.
"23 qazannan beri "AMО́Z" JShS janynda ornalasqan LED-ekranda synaq rejıminde zaýyttyń sanıtarlyq-qorǵaý aımaǵy shekarasynyń baqylanatyn tórt núktesinen túsetin atmosferalyq aýanyń jaı-kúıi týraly derekter saǵat saıyn jarııalanýda. Bul aımaqta táýlik boıy baqylaý avtomatty stansııalarda júrgiziledi. Onda atmosferalyq aýadaǵy lastaýshy zattardyń quramy kúkirtsýtegi, kómirtegi oksıdi, azot oksıdi, kúkirtti angıdrıd jáne kómirsýtekterdiń kórsetkishteri boıynsha baqylanady. Avtomatty stansııalardyń derekteri Wincollect aqparatyn jınaý men óńdeýdiń avtomatty baǵdarlamasymen saǵat saıyn esepterdi generasııalaý, keıinnen derekterdi AirKZ qosymshasyna ıntegrasııalaý arqyly "Qazgıdromet" RMK-nyń FTP-serverine jiberiledi", dep habarlady kásiporynnyń qoǵammen baılanys bólimi.
Sondaı-aq, stansııalarda jeldiń baǵyty men jyldamdyǵy, aýa temperatýrasy, atmosferalyq qysym, salystyrmaly ylǵaldylyq syndy meteorologııalyq sıpattamalar anyqtalýda.
Atyraý oblysy