Fýtboldan Chempıondar lıgasynyń toptyq kezeńdegi ekinshi týr oıyndary máresine jetti.
E tobynda baq synaıtyn «Chelsı» klýby syrt alańda «Krasnodar» komandasynan 4:0 esebimen basym tústi. Al ótken týrda «Chelsımen» teń oınaǵan «Sevılıa» bul joly Lıýk De Iongtiń soqqan golynyń arqasynda «Renndi» jeńdi. F tobynda «Borýssııa D» óz alańynda «Zenıtti» 2:0 nátıjesimen tize búktirse, toptaǵy ekinshi kezdesýde «Lasıo» Belgııada «Brıýggemen» (1:1) upaı bólisti.
Týrdyń eń qyzyqty oıyny G tobynda boldy. Týrınde «Barselona» klýbyn qabyldaǵan «Iýventýs» katalonııalyqtardan jeńilip qaldy. Dembele men Messıdiń soqqan goldary «Barselonaǵa» úsh upaı syılady. Ekinshi oıynda Kıevtiń «Dınamosy» Majarstanda «Ferensvarosh» (2:2) klýbymen teń oınady. N tobynda PSJ Kennıdiń dýbliniń arqasynda «Bashakshehırdi» jeńip, Túrkııada 3 upaı oljalady. Al «MIý» Manchesterde «Leıpsıgtiń» qaqpasyna jaýapsyz bes gol soqty. Kezdesýdiń 63-mınýtynda alańǵa shyqqan Markýs Reshfordtiń het-trık jasaǵanyn aıta keteıik.