Keshe Aral aýdanynyń Qaratereń aýyly tusynda ańǵa shyqqan Aqtóbe qalasy turǵynynyń habarsyz ketip, ony tótenshe jaǵdaı, jergilikti polısııa men aýdan ákimdiginen jasaqtalǵan top izdep jatqandyǵyn habarlaǵan edik.
Oblystyq tótenshe jaǵdaı departamenti órt sóndirý jáne avarııalyq-qutqarý jumystary qyzmetiniń bastyǵy Nursultan Ibragımovtiń aıtýynsha búgin tań ata izdeýge 1 tehnıkamen shyqqan 4 qutqarýshyǵa ańshylar toby da qosyldy. Tańǵy 8 saǵat 45 mınýtta habarsyz ketken azamat ańshylar turaynan 8 shaqyrym qashyqtyqtan tabyldy.
Oqıǵa ornyna jedel jetken qutqarýshylar joldan adasqan ańshyǵa alǵashqy medısınalyq jáne psıhologııalyq kómek kórsetti.