Jastar máseleleri jónindegi partııa komıssııasynyń otyrysynda aýyldarda ınternetke qoljetimdilik jáne Qazaqstanda kıbersportty damytý máseleleri talqylandy, dep habarlaıdy Egemen.kz.
Búgin elordada QR Májilisiniń depýtaty Gennadıı Shıpovskıhtyń tóraǵalyǵymen jastar máseleleri jónindegi partııalyq komıssııanyń otyrysy ótti.
Otyrys jumysyna ýákiletti organdardyń jáne «Qazaqtelekom» AQ ókilderi, Qazaqstannyń kıbersport federasııasy, qoǵam qaıratkerleri qatysty.
Otyrys aıasynda komıssııa tálimgeri G. Shıpovskıh pandemııaǵa baılanysty sıfrlandyrý salasy óz jumysyndaǵy kemshilikterdi kórsetkenin atap ótti. Onlaın oqytý úshin biryńǵaı platformanyń bolmaýy, saıttardyń álsiz jumysy, sonymen qatar, keń jolaqty ınternetpen barlyq aýyldaryn qamtylǵan joq. Internet bolsa da, onyń sapasy men jyldamdyǵy qanaǵattandyrmaıdy.
«Qazirgi tańda Qazaqstanda 1000-nan astam aýyl ınternetpen qamtylmaǵan. Eń aldymen, osy máselege baılanysty oqýshylar zardap shegedi. Sondaı-aq, eldiń kentteri men aýyldaryndaǵy uıaly baılanystyń sapasy máselesi ótkir tur»,- dep atap ótti G. Shıpovskıh.
Otyrysqa qatysqan «Qazaqtelekom» AQ ınnovasııalar jónindegi Bas dırektory Meıirmanov Nurlan, qazirgi ýaqytta elimizdiń aýylyn keń jolaqty ınternetpen qamtamasyz etý boıynsha belsendi jumys júrgizilip jatqanyn aıtty:
«Qazirgi ýaqytta 2086 aýyl joǵary optıkalyq talshyqty magıstraldarmen jabylǵan. Bul eń jaqsy jáne jyldam ınternetti paıdalanýǵa múmkindik beredi. Eń qysqa ýaqytta 985 aýylǵa ınternet ótkizýdi josparlap otyrmyz. Sondaı-aq, bul jumysqa halyqty mobıldi ınternetpen qamtamasyz etetin baılanys operatorlary belsendi qosylǵan».
Sonymen qatar, kezdesýde eldegi kıbersportty damytý máseleleri talqylandy. Qazaqstannyń Kıbersport Federasııasynyń ókilderi qazaq tilin kıbersport arqyly damytýdy usyndy.
«Qazaq Cybersport Federation» damý jónindegi dırektory Baýyrjan Sadıev: «Kıbersport aýyldyq ortada da tanymal. Kıbersport arqyly aýyl jastary bos ýaqytyn tıimdi ótkize alady. Keıbireýler úshin bul áleýmettik lıft, jańa qyzmet salasy bolýy múmkin. Jastardyń IT ındýstrııaǵa degen qyzyǵýshylyǵyn arttyrady».
Eldegi karantındik sharalarǵa baılanysty óńirlerden qatysýshylar beınekonferensııa arqyly qosyldy. Qostanaı oblysy, Sarykól aýdany, Maıak kentiniń turǵyny Dıas Býrjýkpaev ınternettiń joqtyǵynan birneshe aı boıy qalada jataqhanada turyp jatqanyn atap ótti: «Jataqhanada turǵanym úshin aıyna 6500 teńgeden tóleımin. Bizdiń aýylda tek mobıldi ınternet bar, biraq onyń jyldamdyǵy onlaın oqý úshin óte tómen. Dál sol sebepti men 4 aıdan beri qalada turyp jatyrmyn. Bizdiń aýylǵa ınternet júrgizýdi suraımyn».
Konferensııa qatysýshysy Qaraǵandy oblysy, Qarqaraly aýdany, Tatan aýylynyń turǵyny Farhat Meırash ta aýylynda ınternet joq ekenin jáne jergilikti jastar oqý úderisi kezinde túrli joldar izdeıtinin aıtty: «Bizdi qashyqtyqtan oqytýǵa kóshirgen sátten bastap ınternet týraly másele týyndady. Bizdiń aýylda ol múldem joq. Osy sebepti birneshe aıdan beri otbasym týǵan aýylymda, al men Qaraǵandyda páter jalǵa alyp, turyp kelemin. Bul eń aldymen qarjylyq qıyndyqtardy, sondaı-aq ata-anamnyń tolqýyn týdyrady».
Sóz sońynda «Qazaqtelekom» AQ ókili Nurlan Meıirmanov atalǵan aýyldarǵa sapaly ınternet júrgizý jeke baqylaýǵa alynatynyn málimdedi.
Otyrys barysynda kóterilgen máselelerdiń ótkirligine jáne qatysýyn aldyn ala rastaýyna qaramastan, joǵaryda atalǵan salaǵa jaýapty negizgi organ Komıssııa otyrysyna kelgen joq.