Álemde koronavırýs ınfeksııasynyń jańa túrin juqtyrǵandar sany 46 mıllıon adamnan asyp ketti, dep habarlaıdy Egemen.kz.
1 qarashada Djons Hopkıns ýnıversıtetiniń málimetinshe álem boıynsha barlyǵy 46 015 562 adam COVID-19 vırýsyn juqtyrǵan.
Pandemııa qurbandarynyń sany 1 194 906 adamǵa jetti. Sondaı-aq 30,7 mln adam qaýipti vırýstan emdelip shyqty.
COVID-19 vırýsynan eń kóp zardap shekken el AQSh bolyp otyr. Bul elde 9 402 590 adam ınfeksııa juqtyrǵan. Ekinshi orynda 8 184 082 turǵyny vırýs juqtyrǵan Úndistan tur. Al Brazılııa úshinshi orynda tur. Sońǵy derekterge súıensek, bul elde 5 535 605 adam qaýipti ınfeksııa juqtyrǵan.
Jalpy, ótken táýlikte álemde koronavırýs ınfeksııasyn juqtyrýdyń jańa rekordtyq kórsetkishi tirkeldi, ıaǵnı bir kúnde 535 928 adamnyń COVID-19 vırýsyn juqtyrǵany anyqtaldy. Al búgin 505 756 jaǵdaı tirkeldi.