Fransııa prezıdenti Emmanýel Makron Muhammed paıǵambardyń karıkatýrasyna narazylyq tanytqan musylmandarǵa qatysty málimdeme jasady. Al-Jazeera basylymyna bergen suhbatynda qandaı jaǵdaı bolsa da qatygezdikti qoldamaıtynyn aıtty. Sondyqtan radıkaldy baǵyttaǵy toptarmen jumys jalǵasa túsedi degen oıyn bildirdi.
«Men bul oqıǵaǵa qatysty alańdaýshylyqty túsinemin jáne olardyń pikirin syılaımyn. Degenmen osy jerdegi meniń rólimdi de qabyldaý kerek. Men sabyrǵa shaqyra otyryp, olardyń quqyǵyna nuqsan keltirmeýim kerek. Men qashanda elimizdegi sóz, oı bostandyǵy men pikirin jazý men sýret salý arqyly bildirýge múmkindik beremin», dedi Fransııadaǵy birqatar lańkestikke qatysy pikirin aıtqan prezıdent.
«Halyqtyń basym bóligi meni álgi karıkatýralardy qoldady dep túsinedi. Ol sýretter memlekettiń jobasy emes, sonymen qatar táýelsiz, memleketke qatysy joq basylymdarda jaryq kórgenin eskerý kerek», deıdi E.Makron.