Máskeý Jenevadaǵy «Altylyq» pen Iran kelissózderiniń sátti ótýine nıet bildiredi. Reseıdiń syrtqy ister mınıstri Sergeı Lavrov brazılııalyq áriptesi Lýıs Albertý Fıgeıredýmen áńgimelesken soń osyndaı málimdeme jasady. Bul týraly ITAR-TASS habarlady.
«Biz «Jeneva-2» kelissózderiniń aıasynda Iran ıadrolyq baǵdarlamasyn retteý máselesin talqyladyq, – dedi Lavrov. – Iran ıadrolyq baǵdarlamasyn retteý joldaryn izdestirýdegi Brazılııanyń qosqan úlesin joǵary baǵalaımyz. Iran men «Altylyq» kelissózderiniń búgingi raýndy sátti aıaqtalady dep oılaımyz».
Jenevadaǵy kezdesý Iran syrtqy ister mınıstri Djavad Zarıf pen Eýro odaqtyń syrtqy ister men qaýipsizdik saıasaty jónindegi joǵarǵy ókili Ketrın Eshtonnyń qatysýymen ótedi.
Brazılııa syrtqy ister mınıstri Lýıs Albertý Fıgeıredý Sırııadaǵy daǵdarysty retteýdegi Reseıdiń rólin joǵary baǵalady.
Aıdar О́risbaev.