Qarashadaǵy qońyr áýen

«Astana Operanyń» Kame­ralyq zalynda bas shahar tur­ǵyndary men qonaqtaryn as­paptyq mýzykanyń keremet keshteri, álemdik opera sah­nasynyń juldyzdary Maıra Muhamedqyzy men Medet Shotabaevtyń konsertteri, qa­zaq­­standyq jáne sheteldik kom­pozıtorlardyń shyǵar­ma­shylyǵy, eresekter men bala­larǵa arnalǵan jarqyn klas­sıkalyq týyndylar kútetin bolady. Atap aıtsaq, 1 qarashada Damılıa Mahpırova, Áset Nel­dibaev jáne Gúljanat Jana­taevanyń aspaptyq trıosy L’Esprit du Vent «Jeldiń demi» at­ty kameralyq mýzyka keshin usy­nady. Tyńdarman qaýym zamanaýı mýzykalyq salon atmosferasyna enetin bolady. Keshte fransýz jáne qazaqstandyq sazgerlerdiń goboı, fagot jáne fortepıanoǵa arnalǵan týyndylary shyrqalady. Sondaı-aq G.О́zenbaevanyń «Shýt­ka», Á.Ábdinurovtyń «Aqqý dom­by­ra» shyǵarmalary da qalyń kórer­men kóńilinen shyǵady dep kútilýde. Konserttiń «Jeldiń demi» dep atalýy kezdeısoqtyq emes. Erekshe ásemdigi hám jeńil­digimen daralanatyn fran­sýz mýzykasy fortepıano men aǵash úrlemeli aspaptar­da oryndalyp, sheberligi asqan mýzykanttardyń kásibı sheberligine shyn baǵa bolmaq. Olardyń tyńdarman nazaryna usynyp otyrǵan shyǵar­malary kásibı sheberlikti talap etedi jáne úzdik aspapshy­lardyń akademııalyq repertýaryna engen.

Al 4 qarashada uly oıshyl, fılosof, aqyn, aǵartýshy ári kompozıtor Abaı Qunanbaıulynyń 175 jyldyǵyna oraı «Astana Opera» teatrynda «Abaı álemi» toptamasynan «Bir jerde birge júrseń basyń qosyp...» konserti ótedi. Konsert baǵdarlamasyna B.Erzakovıch, M.Saǵatov, B.Jumanııazov, N.Meń­­­di­ǵa­lıev, Q.Shildebaev syn­­dy kom­pozıtorlardyń óń­de­ýin­­degi Abaıdyń mýzyka­lyq-poezııalyq murasy engen. «As­tana Operada» alǵash ret Tó­legen Muhamedjanovtyń Abaı óleń­derine shyǵarǵan vokaldyq sıkly oryndalatyn bolady. Ka­meralyq zal sahnasyna vo­kal­dyq ónerdiń has sheberleri – «Astana Operanyń» jetekshi solısteri Qazaqstannyń eńbek sińirgen qaıratkerleri soprano Jupar Ǵabdýllına, messo-soprano Dına Hamzına, tenor Jan Tápın, shaqyrylǵan solıst Qazaqstannyń eńbek sińirgen ártisi, Memlekettik syılyqtyń laýreaty barıton Shahımardan Ábilov shyǵady. Baǵdarlamanyń aspaptyq bólimin «Bozaıǵyr» qobyzshylar kvınteti men pıanıst Raýshan Beskembırova usynady dep kútilýde.

7 qarasha kúni Nur-Sul­tan qalasy ákimdigi Memlekettik aka­demııalyq fılar­monııa­synyń Kameralyq hory P.Chaı­kovskıı­diń 180 jyldyǵy­na oraı kompo­zı­tordyń horǵa arnalǵan mýzyka konsertimen óner kór­se­tedi. Ujym N.Syganovtyń sózi­ne «Ne kýkýshechka vo syrom borý…», A.Pýshkınniń só­zine «Chto smol­knýl veselııa glac?..», M.Lermontovtyń só­zine «Nochevala tých­ka zolo­taıa…», E.Astafýrovtyń sózi­ne «Shel­kýnchık-mıks», V.Sol­logýb­tyń sózine «Skajı, o chem v tenı vetveı…» (solıst J.Baı­bosynov), A.Tolstoıdyń sózine «To by­lo ranneıý vesnoı…» (solıst Á.Saıasat), A.Apýhtınniń só­zine «Den lı sarıt…» (so­lıst A.Salyqova), sonymen qatar «Solovýshka» syndy týyndylardy oryndaıdy. Kórkemdik jetekshisi ári dırı­jeri – Qazaqstannyń eńbek sińirgen qaıratkeri Gúlmıra Qut­tybadamova.

8 qarashada eń kishkentaı teatr­ kórermenderine K.Sen-Sans­­­­tyń «Janýarlar karnava­ly»­ atty zoo­logııalyq fanta­zııa­­­sy usy­ny­lady. Jas tyńdar­man­darǵa ar­­nap jazylǵan áı­gili týyn­dy­lar­dyń biri eresekter úshin de qy­zyqty bol­maq. Shyǵarma ázil­ge toly, sıýı­tanyń keıbir jer­le­rinde tanymal týyndylarǵa nemese onyń dáıeksózderine paro­dııa­­­lardy kezdestirýge bolady. Ba­­la­­lar sımfonııalyq orkestr aspaptarynyń dybystarymen tanysyp, olardyń janýarlar men qustardyń daýsyna qalaı elikteı alatynyn, qylyqtaryn qalaı dál keltiretinin estıdi. «Balalarǵa ar­nalǵan klassıka» toptamasynyń mý­zy­kalyq-poezııalyq konsertine dırıjer Rýslan Baımýrzınniń jetek­­shiligimen «Astana Opera» Kame­­ralyq ansambli óner kór­setedi. 

Al 19 qarasha kúni saǵat 19.00-de «Astana Opera» teatrynyń jetekshi solısi, Qazaqstannyń eńbek sińirgen qaıratkeri, Italııa Juldyzy Ordeniniń komandory, «Qazaqstannyń 100 jańa esimi» ulttyq jobasynyń jeńimpazy, halyqaralyq keńistikte qu­rmet­ke ıe qazaqstandyq tenor Medet Shotabaev O Paese d’ ‘o Sole («Shýaqty meken») atty jarqyn konsert usyna­dy. Tyń­darman qaýymdy kún, te­ńiz, qustar men jazǵy sa­mal jel esetin, qýanyshty kó­ńil­ kúıge bólep, Italııanyń oń­tús­tigine aparatyn tartymdy mý­zykalyq saıahat kútýde. Kesh baǵdarlamasyna Dj.Rossını, E. dı Kapýa, R.Falvo, E. de Kýrtıs, Ch.Bıksıo, F.P.Tostı, G.Lama, E.Kannıonyń barshaǵa súıikti nea­polıtan ánderi endi.

22 qarashada «Astana Opera» jetekshi solısteriniń keremet oryndaýynda elordalyq kórer­mender súıip tamashalaıtyn Dj.Rossınıdiń «Jibek saty» atty jarqyraǵan opera-farsy ótedi. Shy­ǵarma oqıǵasy tóńireginde órbı­tin sulý Djýlııanyń beı­ne­sin Qazaqstannyń eńbek sińir­gen qaı­ratkeri Saltanat Ahmetova somdaı­dy. Onyń súıik­tisi Dorvıldiń par­tııasyn Qazaq­stannyń eńbek sińir­gen qaıratkeri Jan Tápın jáne ózge de talantty ártister óner kórsetedi. Qoıylym premerasy «Piccolo» teat­ry jobasy aıasynda 2019 jyldyń 6,7 sáýirinde «Astana Opera» teatrynda ótken bola­tyn.

Sonymen qatar 28 qarasha kúni saǵat 18.00-de ataqty opera ánshisi, «Astana Opera» tea­try­nyń jetekshi solısi, Qazaq­stannyń eńbek sińirgen ártisi, Memlekettik syılyqtyń laý­reaty Maıra Muha­medqyzy P.I.Chaıkovskııdiń me­reı­toıy­na oraı «Adam jany men mýzyka úndestigi» atty romans­tar ke­shin arnaıdy. Ataqty ánshiniń shyǵarmashylyq taǵdyry uly kompozıtordyń esimimen tyǵyz baı­lanysty: ol 1998 jyly Más­­keý­de ótken P.Chaıkovskıı atyn­daǵy halyqaralyq baıqaýda laý­reat atanǵan jáne M.Davydov atyn­daǵy arnaıy dıplomǵa ıe bol­ǵan qazaqstandyq alǵash­qy ári jalǵyz ánshi. Bul je­ńis oǵan kóp­tegen tanymal teatr­lardyń sahnasyna jol ash­ty. Solardyń biri – parıj­dik Grand-opera. Konsert baǵdar­­lamasynda P.Chaıkovskıı men S.Rahmanınovtyń romanstary oryndalady. Ǵalamat mýzyka ke­shi aıasynda sonymen qatar ánshi ómiri men shyǵarmashylyǵynan syr shertetin ǵalamat kórme uıym­­­­das­tyrylady.

Maıra Muhamedqyzy Parıj ulttyq operasy, Lotarıngııa ult­tyq operasy (Nansı q.), Kann tea­t­ry, Renna opera teatry, Bordo teatry, Vashıngton ulttyq operasy jáne taǵy basqa álemniń eń úzdik teatrlaryndaǵy opera klassıkasynyń jaýhar týyn­dylaryndaǵy basty par­tııa­lardy tabysty oryndap, qaıtalanbas úni arqyly qazaq atyn jahanǵa tanytyp júrgen ultymyzdyń talantty ónerpazdarynyń biri. Fransııanyń áıgili «Grand Opera» teatrynda án shyrqaǵan alǵashqy hám jalǵyz qazaq. Budan bólek ol  londondyq Kado­gan-hollda, berlındik Kon­ser­t­haýste, Venadaǵy Hof­býrg saraıynda, Parıjdegi IýNESKO zalynda, pekındik «Jon Shan Lı Tan» zalynda jáne t.b. Eýropa men Azııanyń, Amerıkanyń bedeldi zaldarynda jeke konsertterimen únemi óner kórsetip, qazaq óneriniń abyroıyn asqaqtatyp, mereıin ústem etip keledi. «Adam jany men mýzyka úndestigi» atty bul konserttik baǵdarlamasy – ánshiniń álem sahnalarynan jınaǵan sol úzdik tájirıbeleriniń jemisti nátıjesi. Endeshe, qarashadaǵy qońyr áýenniń lázzatyna kenelýge asyǵyńyz, tyńdarman!