Semeıdegi Kosmonavtar kóshesindegi úılerdiń birinen órt shyǵyp, tómengi qabattaǵy úıdiń balkony otqa oranǵan. О́rt sóndirýshiler men toǵyz qabatty úıdiń turǵyndary qaýipti aımaqtan ózdikterinen shyǵyp úlgirgenimen, balasyn kótergen anany órt sóndirý qyzmetkeri alyp shyqqan.
Osy úıde turatyn órt sóndirý kóliginiń júrgizýshisi Ádil Erkinuly kezekshilikten keıin úıinde edi. Kenet dálizdegi shýdy estı salysymen syrtqa shyqsa, kórshi páterden qara tútinniń býdaqtap jatqanyn kóredi. Ádil janushyra kómekke umtyla bere dálizde bala ustaǵan áıelmen soqtyǵysyp qalǵan. Ol dereý 2014 jyly týǵan qyz balany kóterip alyp, taza aýaǵa shyǵardy. Sodan keıin páterlerdiń esigin qaǵyp, barlyq turǵyndardy oıatqan. Ádildiń arqasynda eshkim zardap shekpeı, ýaqtyly úıden shyqty.
Kelip jetken órt sóndirýshiler jalpy aýdany 15 sharshy metrdegi órtti aýyzdyqtady. Mamandardyń boljaýynsha, órt abaısyzda nemese mas kúıde temeki shekkendikten shyǵýy múmkin.
О́rt sóndirýshiler tilsiz jaýmen arpalysyp jatqanda dalaǵa shyǵarylǵan turǵyndar arnaıy «Vahtovka» kóligine ornalasty.
Semeı