Tokıoda 2021 jylǵy Olımpıada jáne Paralımpıada oıyndaryndaǵy alaý estafetasynda qoldanylatyn qutylar kórmesi ashyldy dep jazady Olympic.kz.
Atalǵan kórme aldaǵy segiz aı ishinde Japonııa astanasyndaǵy 62 aýdandy aralaıdy. Bul jergilikti turǵyndardyń Olımpıada qarsańyndaǵy daıyndyǵyn arttyrý úshin jasalatyn qadam bolmaq. Olımpıada alaýynyń estafetasy 2021 jyldyń 25 naýryzynda Fýkýsıma prefektýrasynda bastalady. Estafeta 121 kúnge sozylady.
Aıta ketelik, Tokıodaǵy Olımpıada oıyndary 2020 jyldyń 24 shildesi men 9 tamyzy aralyǵynda ótýi tıis bolatyn. Alaıda, koronavırýs indetine baılanysty tórtjyldyq dodasy 2021 jyldyń 23 shildesi men 8 tamyzy aralyǵyna aýystyryldy.