Osyǵan oraı, jastardyń kitapqa degen qyzyǵýshylyǵyn arttyrý maqsatynda «Shymkent qalasynyń kitaphanalaryn damytý jáne jańǵyrtý» baǵdarlamasy daıyndalyp jatyr. Baǵdarlama aıasynda elimizdiń Ulttyq kitaphanalaryna qoljetimdi bolatyn tuńǵysh memlekettik sıfrlyq portaldy qurý, kitaphanalardyń Jarǵysyna ózgerister engizip, Ál-Farabı atyndaǵy ǵylymı–ámbebap (Otyrar) kitaphanasyn – álemniń elektrondy kitaphanalyq júıelerine qosyp, ǵylym men ónerdiń ortalyǵy bolyp qaıta jańǵyrtý kózdelip otyr. Sondaı-aq, baǵdarlama sheńberinde kópshilik kitaphanalardyń ortalyqtandyrylǵan júıesi sanalatyn Abaı atyndaǵy kitaphanaǵa – zamanaýı dızaın, jańa tehnologııalar men konseptýaldy tolyqtyrýlar engizý josparlanýda.
Odan ózge, atalǵan baǵdarlamaǵa sáıkes kelesi jyly dúnıejúzilik kitap jáne avtorlyq quqyq kúnine oraı "Kitapfest", tórt maýsymdyq "Bookomanııa fest", "Bizdi kitap biriktiredi" aksııasy men baspagerler jármeńkesi, kitaptardy restavrasııalaý, býkkrosıng, jasyl ekonomıka sekildi sharalardy uıymdastyrý qolǵa alynbaq.
Sonymen qatar, qalalyq kitaphanalarda kitap oqýdy nasıhattaý men damytýǵa baǵyttalǵan ádebı keshter, jazýshylar jáne aqyndarmen kezdesýler, leksııalar, dóńgelek ústelder, taqyryptyq kitap kórmeleri sekildi is-sharalar uıymdastyrylýda.
Máselen, Jasóspirimder kitaphanasy qalalyq qoǵamdyq kólikterde "Bookway 2020" ádebı jyljymaly kitaphanasyn uıymdastyrdy. Is-sharada tek kitaptar nasıhattalyp qana qoımaı, Abaı obrazyndaǵy ártis qala turǵyndaryna Abaıdyń qara sózderin oqyp, ánderin oryndap, suhbat júrgizgen.