Taraz qalasynda kásipkerlikti memlekettik qoldaý máselelerine arnalǵan aımaqaralyq konferensııa bolyp ótti. Onyń aıasynda aımaqtaǵy iri kásiporyndar men shaǵyn jáne orta bıznes ókilderi 13 memorandým men kelisimshartqa qol qoıdy.
Taraz qalasynda kásipkerlikti memlekettik qoldaý máselelerine arnalǵan aımaqaralyq konferensııa bolyp ótti. Onyń aıasynda aımaqtaǵy iri kásiporyndar men shaǵyn jáne orta bıznes ókilderi 13 memorandým men kelisimshartqa qol qoıdy.
«Talas Invest Company» JShS men «Soı» JK-nan tasymaly boıynsha kelisim jasasa, «Talas Invest Company» kompanııasy «KKK Hım Bıznes» kásipornymen «bıg-beg» qaptaryn jetkizip berýge ýaǵdalasty. «Kazfosfat» JShS-i, «KKK Hım Bıznes», «Aqtas Oıl Kz» jáne «Jańatas kólik» kásiporyndary arasynda janar-jaǵarmaı jetkizý, temirjol tasymal qyzmeti boıynsha kelisimsharttar jasaldy.
«Evrohım-Tyńaıtqysh» pen «Taraz qubyr zaýyty» plastıkalyq qubyr jetkizýge kelisimshartqa otyrsa, «Taraz» hımııalyq parki» Shý aýdany kásipkerleriniń assosıasııasymen taýar jetkizýge, jumys ornymen qamtamasyz etýge jáne qyzmet kórsetýge qol qoıdy. «Central Asian Gold Production» mekemesi 3 memorandýmǵa qol qoıyp, «Qurylys Polımermen» mata, «Talas Invest Company» kompanııasymen natrıı sıanıdin jáne «Taraz qubyr zaýytymen» qubyr jetkizýge kelisti. «Alkopısheprom» jáne «SK «SAF» AQ fılıaly arasynda áınek ydystar, AO «Zapchast» jáne «Taraz elektrod zaýyty» arasynda elektrod massalaryn jetkizý boıynsha qol alysyldy.
«Adamnyń kúni adammen» degendeı, kásipkerler arasyndaǵy bul kelisimsharttar el dáýletin eseleý jolyndaǵy qadamnyń biri dese de bolǵandaı.
Kósemáli SÁTTIBAIULY,
«Egemen Qazaqstan».
Jambyl oblysy.