Búgin Mańǵystaý oblystyq aýrýhanasynyń "V" blogynda em qabyldap jatqan 24 naýqas Aqtaýdaǵy jańa modýldik stasıonarǵa aýystyryldy, dep habarlaıdy Egemen.kz Mańǵystaý oblysy ákiminiń baspasóz qyzmetine silteme jasap.
Budan bylaı Covid-19 jáne pnevmonııa dıagnozy qoıylǵan naýqastar osynda em-dom qabyldaıtyn bolady. Infeksııalyq bólimshede zamanaýı jasandy tynys alý apparattary, ottegi stansasy, bıofıltrmen aǵyndy-sorǵyly jeldetý júıesi, arnaıy kólikterdi óńdeý jáne zararsyzdandyrý stansasy bar.
Aq halattylar turǵyndardy áleýmettik araqashyqtyqty saqtaýǵa jáne betperde taǵyp júrýdi esten shyǵarmaýǵa shaqyrady. Qazir jaǵdaı turaqty bolǵanymen, sanıtarlyq-epıdemııalyq ahýal bir sátte turaqsyz bolyp ketýi ǵajap emes.
Eske sala keteıik, jańa modýldik stasıonar 200 naýqasqa shaqtalǵan. Buǵan deıin kadrlyq rezerv jáne mamandardyń biliktiligin arttyrý kýrstary uıymdastyrylǵan bolatyn.