Senatta Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy boldy, onda "1994 jylǵy 9 qyrkúıektegi Eýrazııalyq patent konvensııasyna О́nerkásiptik úlgilerdi qorǵaý týraly hattamany ratıfıkasııalaý týraly" Qazaqstan Zańynyń jobasy talqylandy, dep habarlaıdy Egemen.kz Senattyń baspasóz qyzmetine silteme jasap.
Hattama О́nerkásiptik menshik obektilerin qorǵaýdyń Eýrazııalyq tetigin nyǵaıtýǵa jáne keńeıtýge, barlyq qatysýshylardyń aýmaǵynda qoldanylatyn biryńǵaı Eýrazııalyq patent negizinde ónerkásiptik úlgilerdi qorǵaýdyń memleketaralyq júıesin qurýǵa jáne saýda men ınvestısııalyq qyzmetti damytý úshin olardyń aýmaqtarynyń tartymdylyǵyn arttyrýǵa múmkindik beredi.
Hattamada ýaǵdalasýshy memleketterdiń (Qazaqstan, Ázirbaıjan, Qyrǵyzstan, Armenııa, Belarýs, Tájikstan, Reseı, Túrikmenstan) ónerkásip menshigi obektilerin qorǵaý salasyndaǵy 1994 jylǵy 9 qyrkúıektegi Eýrazııalyq patenttik konvensııadaǵy Eýrazııalyq patenttik uıymnyń fýnksııalaryn keńeıtý kózdelip otyr.
"Hattamany ratıfıkasııalaý nátıjesinde otandyq taýar óndirýshilerdiń ónerkásiptik úlgidegi patentin Eýrazııalyq patentteý júıesine qatysýshy segiz memlekette qoldanýǵa bolady. О́nerkásiptik úlgige Eýrazııalyq patenttiń qoldanylý merzimi 5 jyl, ol osy patent ıesiniń ótinishhaty boıynsha árbir rette taǵy bes jylǵa uzartylýy múmkin. Bul rette mundaı patenttiń qoldanylý merzimi ónerkásiptik úlgige ótinim berilgen kúnnen bastap 25 jyldan aspaýǵa tıis", - dedi depýtat Vladımır Volkov.
Senat depýtaty sondaı-aq halyqaralyq patentteý kezinde árbir memlekette jekelegen ótinimder berý jáne baj salyǵyn tóleý qajettigi eleýli ákimshilik kedergi bolyp tabylatynyn atap ótti. Sonymen qatar, qazaqstandyq ótinim berýshiler úshin óńirlik júıeniń artyqshylyǵy segiz memlekettiń aýmaǵynda ónerkásiptik úlgilerge avtorlyq, basymdyq jáne aıryqsha quqyq alý úshin Eýrazııalyq patenttik uıymǵa júginý múmkindigi bolyp tabylady.
Biryńǵaı Eýrazııalyq patent patentteýge jumsalatyn shyǵyndar men merzimderdi qysqartyp qana qoımaı, naryqtyq qatynastardy tıimdi damytýǵa jáne halyqaralyq ekonomıkalyq baılanystardy nyǵaıtýǵa yqpal etetin bolady.