Memleket basshysy Venadaǵy terrorlyq aktige baılanysty Avstrııa Prezıdenti Aleksandr Van der Bellenge kóńil aıtý jedelhatyn joldady. Bul týraly Aqordanyń baspasóz qyzmeti habarlady.
"Búkil avstrııalyqtar sııaqty barlyq dinge kereǵar keletin, adamı senim men aqylǵa syımaıtyn mundaı jantúrshigerlik zorlyq áreketke qarsymyn. Terrorızmniń kez kelgen túrine jol berýge jáne ony aqtaýǵa bolmaıdy. Osyndaı qanypezer zulymdyqqa barǵan barlyq kináliler jaýapqa tartylady dep úmittenemin. Qazaqstan halqynyń jáne óz atymnan qaza bolǵandardyń otbasylaryna qaıǵyryp kóńil aıtamyn, zardap shekken azamattardyń tezirek saýyǵyp ketýine tilektespin. Osynaý qaraly kúnderi Avstrııanyń Federaldyq Úkimetimen jáne halqymen birgemiz", delingen jedelhatta