Shahtınsk qalalyq polısııa bóliminiń qyzmetkerleri avtobýs aıaldamasynda adam tonaǵan kúdiktini ustady, dep habarlaıdy Egemen.kz Polisia.kz saıtyna silteme jasap.
26 qazan kúni Qaraǵandy oblysy Shahtınsk qalalyq polısııa bólimine 28 jastaǵy azamat habarlasyp, qaladaǵy aıaldamalardyń birinde turǵanda ózin belgisiz bireýdiń uryp-soǵyp, ashyq túrde aqshasy men uıaly telefonyn tartyp áketkendigi týraly aryzdanǵan. Keltirilgen shyǵyn kólemi 89 myń teńgeni qurady.
Jábirlenýshiniń aıtýynsha ózin uryp-soqqan adam 29-30 jas shamasynda bolǵan. Krımınaldyq polısııa qyzmetkerleri ótkizgen jedel-izdestirý is-sharalary barysynda osy qylmysqa qatysy bar degen kúdikpen 26 jastaǵy er adam ustalyp, ol qylmysyn moıyndady.
Atalǵan fakt boıynsha Qazaqstan Respýblıkasy Qylmystyq kodeksiniń 191-babyna (Tonaý) sáıkes qylmystyq is qozǵalyp, tergeý amaldary júrgizilýde.