Eńbegi janǵan Evgenııa

Negizinde, atalǵan or­ta­lyq Qazaq­stan halqy As­sam­bleıa­synyń «Qazaq­taný» mádenı-aǵar­týshylyq jobasy aıasynda halyq shyǵar­mashylyǵy men halyq ká­sipshiligin jandandyrýmen jáne ony tanymal etýmen aınalysady.

– Graffıtı nemese kom­pıýterlik dızaın sııaqty zamanaýı ádister buǵan jatpaıdy. Biraq bizge stılızasııany – halyq kásipshiliginiń sıntezin jáne taǵy basqa qandaı da bir ónerdi qoldanýǵa eshkim tyıy­m salmaıdy, – deıdi sýretshi.

Evgenııa óziniń «Zama­naýı óner túrindegi kıiz ba­­sýdyń kóne kásibi» atty zert­teý eńbeginde bul sala­daǵy tylsymnyń syryna tereń boılaıdy. Peızaj ta­qyrybyndaǵy kartınalarynda alýan túrli tústerdi boıalǵan júnniń reńk tilimen sheber jetkizedi. Aıta ke­tetin bir jaıt, óner ıesiniń ádistemelik ázirlemesi, kıiz sýretteri men jasap shyǵarǵan aksessýarlary Ádilet mınıs­trliginiń avtorlyq sertıfıkatyna ıe bolǵan.

Qazir Evgenııa súıekten zergerlik buıymdar jasaýǵa den qoıyp júr. Biraz ýa­qyttan beri súıek oıýlaryn zert­tep júr­gen sheber bul kásipti qazaq halqynyń kıiz basý, aǵash oıý, qysh qolóneri, bylǵary oıýymen qatar tu­rýǵa tıis qolóner túriniń biri retinde baǵalaıdy.

Budan bólek sýretshi grek, belorýs jáne polıak et­no­mádenı birlestikteriniń stýdentterimen birge etnostyq kıim toptamasyn jasaýdy qolǵa alǵan. Bu­lar tikken kıim túrleri zamanaýı úl­gige meılinshe jaqyndastyrylǵan. Sol sebepti, olardy tamashalap qana qoı­maı, kúndelikti ómirde kıip júrýge de bolady.

– Etnostyq saryndy jandandyrý – belgili bir ha­lyq­tyń ókili bolyp sanalatyn adamdardyń ar-namysyna, olardyń mádenı jáne tarıhı qundylyqtaryna degen qurmet, – dep syr aq­tarady ol.

Qaraǵandylyq sýretshi Ev­genııa Shýls qazirgi tańda kópshilikke tanymal bolyp úlgergen óner ıesi. Sheberdiń ulttyq mádenıetti damytý jolyndaǵy jemisti eńbegi laıyqty baǵalanyp, taıaýda ol Qazaqstan halqy Assambleıasynyń 25 jyldyq mereıtoıyna oraı medalmen marapattaldy.

QARAǴANDY