Qazaqstan Respýblıkasynyń Sybaılas jemqorlyqqa qarsy is-qımyl agenttigi Parasattylyq departamentiniń basshysy Ǵanıjan Asanuly men agenttik janynan qurylǵan respýblıkalyq aqparattyq-aǵartýshylyq shtabynyń jetekshisi Yrza Tursynzada Qyzylorda oblysyndaǵy is-sapary aıasynda Syrdarııa aýdanynda boldy, dep habarlaıdy Egemen.kz.
Meımandar aýdan ortalyǵynda azamattarǵa qolaıly jaǵdaı jasaý maqsatynda Open space formatynda jumys jasaıtyn jańa servıstik ákimdiktiń qyzmetimen tanysty.
- "Servıstik ákimdiktiń" basty maqsaty qyzmet alýshylarǵa qolaıly jáne kedergisiz jaǵdaı jasaý, sybaılas jemqorlyq táýekelderiniń aldyn alý. Bul halyqtyń memlekettik organdar jumysyna degen senimin arttyryp, sybaılas jemqorlyq kórinisteriniń túbegeıli joıylýyna múmkindik beredi, – dedi Ǵanıjan Asanuly.
Meımandar aýdan aktıvimen kezdesip, óńirde sybaılas jemqorlyqtyń aldyn alý baǵytynda atqarylyp jatqan jumystarmen tanysty.
Sapar barysynda osy aýdandaǵy Naǵı Ilııasov atyndaǵy aýylyna aıaldap, turǵyndarmen suhbattasty.