Aqmola oblystyq Taýarlar men qyzmetterdiń sapasy men qaýipsizdigin baqylaý departamenti Kókshetaý qalasynyń kireberis joldaryna blokbeketter qoıylatynyn aıtyp ótti, dep habarlaıdy Egemen.kz
"Aqmola oblysynyń bas sanıtar dárigeriniń qaýlysyna sáıkes Kókshetaý qalasynyń karantın aýmaǵy perımetrine ýaqytsha sanıtarlyq post qoıý týraly sheshim shyǵarylǵan. Eger koronavırýs ınfeksııasyn juqtyrǵandardyń sany artsa, onda bıylǵy jylǵy qarashanyń 3-de shyqqan №136 qaýlyǵa ózgeris engiziledi jáne Memlekettik vedomostvoaralyq komıssııanyń nusqaýyna sáıkes oblys ortalyǵy perımetri boıynsha blokpostar qoıylady", delingen vedomstvonyń jazbasynda.
Sonymen qatar, vedomstvodan atap ótkendeı, áýe, temirjol baılanysy boıynsha sheshimdi kóliktegi taýarlar men qyzmetterdiń sapasy men qaýipsizdigin baqylaý departamenti shyǵarady. Aıta keteıik, qarashanyń 3-de Aqmola oblysynyń bas sanıtar dárigeriniń óńirde karantın sharalaryn kúsheıtý týraly qaýlysy shyqqan bolatyn.