Shaǵyn jáne orta bıznes nysandary jyl sońyna deıin medısınalyq saqtandyrý tólemderinen bosatyldy. Bul týraly "Áleýmettik medısınalyq saqtandyrý qory" KEAQ Almaty qalalyq fılıalynyń baspasóz qyzmeti habarlady.
Habarlamaǵa súıensek, QR Prezıdentiniń 14-qyrkúıektegi №413 Jarlyǵy boıynsha ekonomıkanyń pandemııadan meılinshe zardap shekken salalaryndaǵy shaǵyn jáne orta bıznes nysandary bıýdjetten tys qorlarǵa tólenetin tólemderden bosatylǵan. Bıznes sýbektilerine buǵan deıin de 2020 jyldyń sáýiri men qazan aılary aralyǵynda alty aılyq jeńildikter berilgen bolatyn.
"Salyqtar men áleýmettik tólemderdi tóleý mindetinen bosatylǵan ShOB nysandarynyń tizimi kóktemde jasalǵan bolatyn. Olardyń qatarynda saýda-sattyq, kólik jáne tehnıkalyq qyzmet kórsetý, bilim, medısına, týrızm, meıramhana-qonaq úı bıznesi, oıyn-saýyq, baǵdarlamalyq qamsyzdandyrý nysandary, fıtnes klýbtary jáne t.b. bar. Endi bıznesti qoldaý maqsatynda jeńildik merzimi jyl sońyna deıin uzartylyp otyr", dedi fılıal dırektory Tileýhan Ábildaev.
Tólemderden bosatylǵan jumys berýshiler qaramaǵyndaǵy qyzmetkerlerin saqtandyrýmen qamtamasyz etýdi esten shyǵarmaǵany jón. Qyzmetkerler MÁMS paketine enetin medısınalyq qyzmet túrlerin kedergisiz alýy úshin olardyń tizimin Qordyń aqparattyq júıesine enágizip, ýaqtyly jańartyp otyrýy tıis, delingen habarlamada.
Esterińizge sala ketsek, ońtústik astana boıynsha 116 604 shaǵyn jáne orta bıznes nysanyna jeńildik berilgen.
Jalpy, jumysshylarǵa qatysty málimetti bir ret engizse jetkilikti. Aldaǵy ýaqytta jumysqa jańadan alynǵan jáne jumystan shyqqan qyzmetkerler jaıly málimetti engizip otyrý qajet. Aqparat aı saıyn Memlekettik kiris komıtetine joldanady.