Respýblıkalyq kúres federasııasy bıylǵy jylǵy el chempıonaty 19-26 qarasha aralyǵynda Almatydaǵy "Dostyq" sport kesheninde ótetinin resmı túrde rastady, dep habarlaıdy Egemen.kz.
Álemdi jaılaǵan pandemııa dertine baılanysty bul jarys ta kórermensiz ótedi. Qatysýshy komandanyń ár múshesiniń mindetti túrde PTR synaǵynyń teris nátıjesi týraly anyqtamasy bolýǵa tıis.
Chempıonat elimizdegi koronavırýstyq ınfeksııanyń paıda bolýy men taralýynyń aldyn alý jónindegi vedmostvalyq komıssııa otyrysynyń hattamasyndaǵy barlyq sanıtarlyq talaptarǵa sáıkes jáne UWW bekitken erejege sáıkes ótkiziledi. Grek-ım jáne erkin kúres sheberlerine bir kılo artyq salmaq ruqsat etiledi. Áıelder kúresi ókilderine ondaı jeńildik berilmeıdi.
Sonymen qatar, tóreshisi joq óńirlerdiń komandalary chempıonattan shettetiledi. Mine, el birinshiligine qatysýshylarǵa osyndaı talaptar qoıylyp otyr.