Qazaqstanda bıyl 396 myń gektar alqapqa kúzdik bıdaı sebildi. Aýyl sharýashylyǵy mınıstri Asyljan Mamytbekov munyń jospardaǵy kólemniń 76 paıyzyn quraıtynyn aıta kelip, taǵy jerdiń 66 paıyzynyń súdigeri kóterilgenin jetkizdi.
Qazaqstanda bıyl 396 myń gektar alqapqa kúzdik bıdaı sebildi. Aýyl sharýashylyǵy mınıstri Asyljan Mamytbekov munyń jospardaǵy kólemniń 76 paıyzyn quraıtynyn aıta kelip, taǵy jerdiń 66 paıyzynyń súdigeri kóterilgenin jetkizdi.
Endi balyq sharýashylyǵy «jasyl ekonomıka» sheńberinde damıdy. Qorshaǵan orta jáne sý resýrstary mınıstri Nurlan Qapparovtyń aıtýynsha, onyń aıasynda sý jáne turmystyq qaldyqtardy ıgerý baǵdarlamalary qabyldanady.
Qazirgi zaman ádebıetinen 69 kitap qazaq tiline aýdarylady. Astanada qazaq tiline aýdarý úshin ózekti kitaptardy anyqtaý baıqaýynyń saraptyq keńesi osynsha týyndyny tańdady. Ol budan ári aýdarylatyn taǵy 100 kitaptyń tizimin bekitti.
Keshe Shymkentte toqyma klasteriniń máselelerin talqylaýǵa arnalǵan dóńgelek ústel boldy. Onda óńirdegi toqyma ónerkásibiniń Kedendik odaq sheńberinde damý kelesheginiń sharttary, aımaqtyq toqyma klasteriniń qurylý tujyrymdamasynyń iske asyrylýy jaıy talqylandy.
Pavlodar memlekettik ýnıversıtetinde Máshhúr-Júsip Kópeevtiń 155 jyldyq mereıtoıy atap ótildi. Ol negizinen «Máshhúr-Júsip fenomeni – beıbitshilik adamy» atty halyqaralyq ǵylymı-tájirıbelik konferensııa túrinde órbidi.
Qyzylordada tanymal kınorejısser Sultan Qojyqovtyń týǵanyna 90 jyl tolýyna arnalǵan kesh boldy. «Qazaq kınosynyń Sultany» degen atpen ótken sharaǵa oblys ákimi Qyrymbek Kósherbaev pen belgili qoǵam qaıratkeri Ábish Kekilbaev qatysyp, óner tarlany týraly oılaryn ortaǵa saldy. Budan bólek, Qazaqstan halyq ártisteri Tuńǵyshbaı Jamanqulov, Quman Tastanbekov, eńbek sińirgen ártis Merýert О́tekeshova estelik aıtty.
«QazAqparat», «Qazaqstan jańalyqtary», Nur.kz, Bnews.kz,
TengriNews, EgemenNews habarlary boıynsha daıyndaldy.