О́skemendegi D. Serikbaev atyndaǵy Shyǵys Qazaqstan Tehnıkalyq ýnıversıtetinde "Sanaly urpaq – jarqyn bolashaq" atty onlaın kezdesý ótip, birqatar stýdentter "Sanaly urpag" jobalyq klýbyna múshelikke qabyldandy, dep habarlaıdy Egemen.kz.
Onlaın rejımde ótken jıyndy ShQTÝ birinshi prorektory Sáýle Jádigerqyzy Rahmetýllına ashty. Al "Sanaly urpaq" jobalyq klýbynyń músheligine ótken 1 kýrs stýdentteri Otanymyzdyń parıoty bolýǵa, el úshin adal qyzmet etýge, ádiletti bolýǵa ant berdi.
Kezdesýge qatysýshylar jastarǵa ádildiktiń aq týyn tik ustap, jemqorlyqtan aýlaq bolýǵa shaqyrdy.
"Elimizde sybaılas jemqorlyqtyń aldyn alý úshin az jumys atqarylyp jatqan joq. "Sanalyurpag" jobasy da osyndaı maqsatta qolǵa alynǵan. Búginde halqymyzdyń teń jartysynyń bilim salasyna tikeleı qatysy bar. Sol úshin balabaqshalarda, mektepterde, kolledjder men ýnıversıtetterde paraqorlyqqa tózbeýshilik mádenıetin qalyptastyrýymyz qajet. Osy oraıda biz birneshe ádistemelik quraldar daıyndadyq. Árbir joǵarǵy oqý ornynda "Akademııalyqadaldyq" kodeksi qabyldanýy kerek. Jemqorlyqqa qarsy is-qımyldyń keshendi jospary bekitilip, sol boıynsha áreket etken jón", dedi Sybaılas jemqorlyqqa qarsy is-qımyl agenttiginiń respýblıkalyq "Sanaly urpag" jobalyq keńsesiniń basshysy Qaıyrjan Tokýshev.
Sondaı-aq kezdesýde Fılologııa ǵylymdarynyń kandıdaty, Qazaq tehnologııa jáne bıznes ýnıversıteti Qazaqstan tarıhy jáne áleýmettik-gýmanıtarlyq pánder kafedrasynyń professory Sábıra Sapına "Akademııalyqadaldy" atty dáris oqydy.
"О́kinishke oraı, stýdentterdiń kóbi qandaı da bir taqyrypty qamtyǵanda zertteýge emes, izdeýge beıim. Iаǵnı, jańa tujyrymdamalar ashqannan góri daıyn dúnıeni qaıtalaı salady. Jastar plagıatqa jolamaı, jańalyq ashqanǵa umtylýy qajet", dedi professor Sábıra Sapına.
Kezdesý sońynda D.Serikbaev atyndaǵy ShQTÝ stýdentterin "Sanaly urpag" jobalyq klýbyna múshelikke qabyldaý rásimin ótkizdi.
О́skemen