Qazaqstan Respýblıkasynyń Aqparat jáne qoǵamdyq damý mınıstri Aıda Balaeva Astana jáne Qazaqstan Mıtropolıti Aleksandrmen kezdesti, dep habarlaıdy Egemen.kz.
Kezdesý barysynda mınıstr syndarly memlekettik-konfessııalyq qatynastardy damytý memlekettik saıasattyń mańyzdy baǵyttarynyń biri bolyp tabylatynyn atap ótti. Bul, ásirese, rýhanı dástúrlerdi qalyptastyratyn jáne beıbitshilik pen kelisimdi nyǵaıtýǵa eleýli úles qosatyn dinı birlestikterge qatysty.
Sondaı-aq, mınıstr Qazaqstannyń Pravoslavıe Shirkeýi rýhanı-adamgershilik mádenıetti qalyptastyrýda, qoǵamda ulttyq qundylyqtar men dástúrlerdi saqtaýda, jastardy patrıottyq sezimge baýlýda memlekettiń senimdi seriktesi ekenin atap ótti.Aıda Balaeva Aqparat jáne qoǵamdyq damý mınıstrligi elimizdiń dinı birlestikterimen, sonyń ishinde pravoslavıe shirkeýimen seriktestik qarym-qatynas ornatyp jatqanyn atap ótti.О́z kezeginde mıtropolıt Aleksandr Qazaqstandaǵy tıimdi memlekettik-konfessııalyq qatynastar dinı ahýaldyń turaqtylyq arnasynda udaıy damýyna yqpal etetinin jáne qazaqstandyq qoǵamda birlik pen kelisimdi qamtamasyz etetinin atap ótti.Taraptar konfessııaaralyq kelisim men dinaralyq dıalog qaǵıdattaryn ilgeriletý boıynsha odan ári yntymaqtastyqty jalǵastyrýǵa nıet bildirdi.Kezdesý sońynda mınıstr elimizdiń basty mádenı jáne rýhanı eskertkishteriniń biri – Almaty qalasyndaǵy Voznesensk kafedraldy sobory óz qyzmetin qaıta bastaýyna 25 jyl tolýymen quttyqtap, beıbitshilik, jaqsylyq pen amandyq tiledi.